രാമസേതു സംരക്ഷിക്കാനെത്തുന്ന പുരാവസ്തു ഗവേഷകൻ- അക്ഷയ് കുമാർ ചിത്രം ‘രാം സേതു’ ട്രെയ്ലർ
അക്ഷയ് കുമാർ നായകനാകുന്ന ‘രാം സേതു’ എന്ന സിനിമയുടെ ട്രെയ്ലർ പുറത്തിറങ്ങി. പുരാണ ഇതിഹാസമായ രാമായണത്തിൽ ശ്രീരാമൻ നിർമ്മിച്ച പാലമെന്നു വിശ്വസിക്കപ്പെടുന്ന രാം സേതു ചരിത്ര നിധിയെന്ന് അവകാശപ്പെട്ട് ഒറ്റയ്ക്ക് സംരക്ഷിക്കുവാനെത്തുകയാണെന്ന സൂചനയാണ് ട്രെയ്ലർ സമ്മാനിക്കുന്നത്. ‘രാമസേതു’ നശിപ്പിക്കാൻ ദുഷ്ട കഥാപാത്രങ്ങൾ ആഗ്രഹിക്കുമ്പോൾ പുരാവസ്തു ഗവേഷകനായ അക്ഷയ് കുമാറിന്റെ കഥാപാത്രം ഒറ്റയ്ക്ക് പോരാടുന്നു.
സത്യദേവ്, ജാക്വലിൻ ഫെർണാണ്ടസ്, നസ്രത്ത്‌ ബറൂച്ച, നാസർ, പ്രവേഷ് റാണ, ജെന്നിഫർ എന്നിവരും ചിത്രത്തിലുണ്ട്. ‘രാംസേതു’വിൽ, അക്ഷയ് ഒരു പുരാവസ്തു ഗവേഷകനായി വേഷമിടുന്നു, ഇതിഹാസമായ രാമസേതുവിന്റെ യഥാർത്ഥ അസ്തിത്വം തെളിയിക്കണം എന്ന ലക്ഷ്യത്തിലാണ് ഈ കഥാപാത്രം എത്തുന്നത്.
‘ആക്ഷൻ അഡ്വഞ്ചർ’ ആണ് ചിത്രം എന്നാണ് സൂചന. അഭിഷേക് ശർമ്മയാണ് രാം സേതു സംവിധാനം ചെയ്തിരിക്കുന്നത്, ആമസോൺ പ്രൈം വിഡിയോ, അബുണ്ടൻഷ്യ എന്റർടൈൻമെന്റ്, ലൈക പ്രൊഡക്ഷൻസ് എന്നിവയ്‌ക്കൊപ്പം കേപ് ഓഫ് ഗുഡ് ഫിലിംസ് ആണ് ചിത്രത്തെ നിർമിച്ചിരിക്കുന്നത്. ബച്ചൻ പാണ്ഡേ, പൃഥ്വിരാജ്, രക്ഷാബന്ധൻ എന്നിവയാണ് നടന്റേതായി ഒടുവിൽ തിയേറ്ററിൽ എത്തിയത്. അഭിഷേക് ശർമ്മ സംവിധാനം ചെയ്യുന്ന ‘രാം സേതു’ ഈ വർഷം എത്തുന്ന അക്ഷയ്‌യുടെ അഞ്ചാമത്തെ റിലീസായിരിക്കും.
Story highlights- ram sethu trailer
