ഈ ലക്ഷണങ്ങൾ സൂക്ഷിക്കുക; വായുമലിനീകരണം നിസ്സാരമായി കാണരുത്!

വായു മലിനീകരണം ശ്വാസകോശാരോഗ്യത്തിന് കാര്യമായ ഭീഷണി ഉയർത്തുന്നതാണ്. ഇത് വിവിധ ശ്വാസകോശ രോഗങ്ങളുടെ സാധ്യത വർദ്ധിപ്പിക്കുന്നു. ലോകാരോഗ്യ സംഘടനയുടെ കണക്കനുസരിച്ച് സ്വാസകോശ അർബുദം ഏറ്റവും ഗുരുതരമായ അനന്തരഫലങ്ങളിലൊന്നായി കണക്കാക്കപ്പെടുന്നു. പ്രതിവർഷം വായു മലിനീകരണം മൂലം 7 ദശലക്ഷം മരണങ്ങൾ വരെ സംഭവിക്കാറുണ്ട്. (Air pollution and lung health)

വായുമലിനീകരണത്തിന്റെ അപകടങ്ങൾ ശ്വാസകോശ അർബുദത്തിനും അപ്പുറത്തേക്ക് വ്യാപിക്കുന്നു. കുട്ടികളും പ്രായമായവരുമാണ് വായു മലിനീകരണത്തിന്റെ ദോഷകരമായ ഫലങ്ങൾക്ക് പ്രത്യേകിച്ച് ഇരയാകുന്നത്. വായുമലിനീകരണം മൂലം ഉണ്ടായേക്കാവുന്ന പ്രശ്നങ്ങൾ എന്തൊക്കെയെന്ന് നോക്കാം:

ശ്വാസകോശ ബുദ്ധിമുട്ടുകളുടെ ആദ്യകാല ലക്ഷണങ്ങൾ തിരിച്ചറിയുന്നത് നിർണായകമാണ്. തൊണ്ടയിലെ ചൊറിച്ചിൽ, ചുവന്നതോ വരണ്ടതോ ആയ കണ്ണുകൾ, മൂക്കൊലിപ്പ്, ഭക്ഷണം കഴിക്കുമ്പോഴോ കുടിക്കുമ്പോഴോ തൊണ്ടയിലുണ്ടാകുന്ന അസ്വസ്ഥത, ഉറങ്ങുമ്പോൾ കൂർക്കംവലി അല്ലെങ്കിൽ ശ്വാസം മുട്ടൽ എന്നീ ലക്ഷണങ്ങൾ കണ്ടാൽ കരുതലെടുക്കണം.

പതിവ് പരിശോധനകളും കൃത്യമായ സമയത്ത് മരുന്ന് കഴിക്കുന്നതും ശ്വാസകോശത്തിന്റെ ആരോഗ്യം സംരക്ഷിക്കുന്നതിനും വായു മലിനീകരണത്തിന്റെ ദീർഘകാല ആഘാതം ലഘൂകരിക്കാനും സഹായിക്കും.

Story highlights: Air pollution and lung health