“ബ്രിട്ടീഷുകാർ ഉപയോഗിക്കാൻ തുടങ്ങിയ ഇന്ത്യൻ രഹസ്യം”; ഷാംപൂ വന്ന വഴി!
‘ഷാംപൂ’ എന്ന വാക്ക് എവിടെ നിന്നാണ് വന്നതെന്ന് നിങ്ങൾ എപ്പോഴെങ്കിലും ചിന്തിച്ചിട്ടുണ്ടോ? ഷാംപൂ കണ്ടുപിടിച്ചത് ആരാണെന്ന് അറിയാമോ? നമ്മളറിയാത്ത ഷാംപുവിന്റെ ചരിത്രത്തിലൂടെയും ഉത്ഭവത്തിലൂടെയും സഞ്ചരിച്ചാലോ! (Know the origin of Shampoo)
‘ഷാംപൂ’ എന്ന വാക്ക് ‘ചമ്പു’ എന്ന ഹിന്ദി വാക്കിൽ നിന്നാണ് വന്നത്. ഈ വാക്കാകട്ടെ ‘അമർത്തുക അല്ലെങ്കിൽ മസാജ് ചെയ്യുക’ എന്നർത്ഥം വരുന്ന “ചപ്പാത്തി” എന്ന സംസ്‌കൃത പദത്തിൽ നിന്നും കടമെടുത്തിരിക്കുന്നു. പറഞ്ഞു വരുന്നത് ഷാംപൂ വിദേശി അല്ല. എഡി 1500 മുതൽ നിലവിലുള്ള ഒരു പുരാതന ഇന്ത്യൻ ശീലമാണ് ഷാംപൂ ചെയ്യുന്നത്. ബ്രിട്ടീഷുകാർ ഷാംപൂ ഉപയോഗിക്കാൻ തുടങ്ങിയത് ഈ ഇന്ത്യൻ രഹസ്യം അറിഞ്ഞ ശേഷമാണ്.
Read also: കേശസംരക്ഷണത്തിന് പുത്തൻ കൂട്ട്; അറിയാം ഫ്ളാക്സ് സീഡിന്റെ ഗുണങ്ങൾ!
എല്ലാ പ്രകൃതിദത്ത ചേരുവകളും ഉപയോഗിച്ച് മുടി വൃത്തിയാക്കുന്നത് പുരാതന ഇന്ത്യയിൽ ഒരു പതിവ് ആചാരമായിരുന്നു. ഇന്ത്യയിലെ ആദ്യകാല ഷാമ്പൂകൾ ചെമ്പരത്തി, ഷിക്കക്കായി, നെല്ലിക്ക, സോപ്പ്നട്ട് എന്നിവയിൽ നിന്നാണ് നിർമ്മിച്ചത്. ഈ പ്രകൃതിദത്ത ചേരുവകൾ മുടി വളർച്ചയെ നല്ല രീതിയിൽ സ്വാധീനിക്കുന്നുണ്ട്.
പട്‌നയിൽ നിന്നുള്ള സേക്ക് ഡീൻ മഹമ്മദ് എന്ന ഇന്ത്യക്കാരനാണ് പാശ്ചാത്യ ലോകത്തിന് ഷാംപുവിനെ അവതരിപ്പിച്ചത്. 1759-ൽ ജനിച്ച മഹമ്മദ് ഒരു ബാർബർ കുടുംബത്തിൽ നിന്നാണ്. വളരെ ചെറുപ്പത്തിൽ തന്നെ പ്രകൃതിദത്ത ചേരുവകൾ ഉപയോഗിച്ച് സോപ്പുകളും ഷാംപൂകളും ഉണ്ടാക്കുന്ന സാങ്കേതികതയ്‌ക്കൊപ്പം തല മസാജുചെയ്യാനും അദ്ദേഹം പഠിച്ചു.
സേക്ക് ഇംഗ്ലണ്ടിലേക്ക് ഭാര്യയ്ക്കും കുട്ടികൾക്കുമൊപ്പം താമസം മാറി. ഒരു ധനികനായ സ്കോട്ടിഷുകാരൻ ബേസിൽ കോക്രേന്റെ ഉടമസ്ഥതയിലുള്ള ഒരു സ്പായിൽ അദ്ദേഹം ജോലി ചെയ്യാൻ തുടങ്ങി. ഒരു സ്റ്റീം ബാത്ത് സേവനം ആരംഭിക്കാൻ കോക്രേനിന് പദ്ധതി ഉണ്ടായിരുന്നു. സ്പാ നന്നായി സജ്ജീകരിക്കാൻ സേക്ക് ഡീൻ അയാളെ സഹായിച്ചു. വൈകാതെ സേക്ക് ഷാംപൂയിംഗ് എന്ന ആശയം അവതരിപ്പിച്ചു. അത് ഇംഗ്ലണ്ടിൽ വളരെ പ്രചാരത്തിലായി. സേക്ക് വളരെ ജനപ്രിയനായിത്തീർന്നു, അദ്ദേഹത്തെ ജോർജ്ജ് നാലാമൻ രാജാവിന്റെയും വില്യം നാലാമൻ രാജാവിന്റെയും വരെ സ്വകാര്യ ഷാംപൂ സർജനാക്കി.
ഇനി ആരെങ്കിലും ചോദിച്ചാൽ നമ്മൾ ഇന്ത്യക്കാർ തന്നെയാണ് ഈ ഷാംപൂവിനും പിന്നിൽ എന്ന് അഭിമാനത്തോടെ പറഞ്ഞോളൂ.
Story highlights: Know the origin of Shampoo
