ചെയ്യാത്ത കുറ്റത്തിന് ശിക്ഷ അനുഭവിച്ചത് 37 വർഷങ്ങൾ; ഒടുവിൽ നഷ്ടപരിഹാരമായി എത്തിയത് 14 മില്യൺ ഡോളർ!
തെറ്റുകൾ പറ്റുന്നത് സ്വാഭാവികമാണ്. എന്നാൽ ചെയ്യാത്ത കുറ്റത്തിന് വർഷങ്ങളോളം ശിക്ഷ അനുഭവിക്കേണ്ടി വരുന്നത് അത്ര നല്ല അനുഭവമല്ല. നിരപരാധിയായിരുന്നിട്ടും 37 വർഷങ്ങളോളം ജയിലിൽ കഴിയേണ്ടി വന്ന റോബർട്ടിന് നീതി ലഭിക്കാനെടുത്ത കാലയളവ് അൽപ്പം നീണ്ടുപോയി. (Man wrongly imprisoned gets 14 million as compensation)
1983-ൽ ഫ്ലോറിഡയിലെ ഫ്ലായിലെ ടാമ്പയിൽ ഒരു സ്ത്രീയെ ബലാത്സംഗം ചെയ്ത് കൊലപ്പെടുത്തിയ കേസിൽ ശിക്ഷിക്കപ്പെട്ട് 37 വർഷം ജയിലിൽ കിടന്ന റോബർട്ട് ഡുബോയിസിന്റെ ജീവിതത്തിലാണ് വിധി വില്ലൻ രൂപമെടുത്തത്. അന്ന് 18 വയസ്സുള്ള റോബർട്ട് അറസ്റ്റിലാവുകയും കൊലപാതകക്കുറ്റത്തിന് ശിക്ഷിക്കപ്പെടുകയും ചെയ്തു.
കൊലപാതകത്തിനും ലൈംഗിക അക്രമത്തിനുമാണ് അന്ന് റോബർട്ട് ശിക്ഷിക്കപ്പെട്ടത്. ഒരാഴ്ചത്തെ വിചാരണയെത്തുടർന്ന്, ജയിൽ മേധാവി റോബർട്ട് കുറ്റക്കാരനാണെന്ന് വിധിയെഴുതി. ആദ്യം വധശിക്ഷ വിധിച്ചെങ്കിലും മൂന്ന് വർഷത്തിന് ശേഷം ഫ്ലോറിഡ സുപ്രീം കോടതി ആ ശിക്ഷ ജീവപര്യന്തമാക്കി മാറ്റി.
Read also: യാത്രക്കാരന് വൃക്ക ദാനം ചെയ്ത ഊബർ ഡ്രൈവർ; ഈ സൗഹൃദത്തിന് ജീവന്റെ വിലയാണ്!
2020 ഓഗസ്റ്റിൽ, പുതിയ ഡിഎൻഎ തെളിവുകൾ പുറത്തുവന്നതിന് ശേഷം ഡുബോയിസിനെ മോചിപ്പിക്കുകയും പിന്നീട് കൊലപാതകത്തിൽ കുറ്റം ചുമത്തപ്പെട്ട മറ്റ് രണ്ട് പുരുഷന്മാർ പ്രതികളാകുകയും ചെയ്തു. അടുത്ത വർഷം, ടമ്പാ നഗരത്തിനും നാല് മുൻ പോലീസ് ഓഫീസർമാർക്കും തനിക്കെതിരെ മൊഴി നൽകിയ ഫോറൻസിക് ഓഡൻ്റോളജിസ്റ്റിനുമെതിരെ ഡുബോയിസ് ഒരു ഫെഡറൽ കേസ് ഫയൽ ചെയ്തു.
കേസ് ഒത്തുതീർപ്പിൻ്റെ ഭാഗമായി, റോബർട്ടിന് 14 മില്യൺ ഡോളർ നൽകാൻ സിറ്റി കൗൺസിൽ ഉത്തരവിട്ടു. മൂന്ന് വർഷത്തിനുള്ളിൽ ഈ തുക തവണകളായി നൽകപ്പെടും. എന്നാൽ തൻ്റെ ജീവിതത്തിൻ്റെ ഭൂരിഭാഗവും നഷ്ടപ്പെട്ട ഡുബോയിസിന്റെ നഷ്ടങ്ങൾക്ക് ഈ തുക ഒരിക്കലും പരിഹാരമാകില്ല.
Story highlights: Man wrongly imprisoned gets 14 million as compensation
