ദേശീയഗാനം പിയാനോയിൽ വായിച്ച് റെക്കോർഡ് നേടിയ നാലു വയസുകാരൻ; സ്റ്റാറാണ് യൊഹാൻ

Yohan Playing Indian National Anthem in Piano Blindfolded

റെക്കോർഡ് നിറവിലാണ് യൊഹാൻ ജോർജുകുട്ടി എന്ന നാലു വയസുകാരൻ. ദേശീയഗാനം ഡിജിറ്റൽ പിയാനോയിൽ വായിച്ച് യൊഹാൻ എന്ന കൊച്ചുമിടുക്കൻ ഇടംനേടിയത് ഇന്ത്യ ബുക്ക് ഓഫ് റെക്കോർഡ്സിലാണ്. അച്ഛൻ ജോർജുകുട്ടിയുടെ ശിക്ഷണത്തിലാണ് ഈ കൊച്ചുമിടുക്കൻ പിയാനോ വായിക്കാൻ പഠിച്ചത്. പിയാനോ വായന വളരെ ഇഷ്ടമായിരുന്ന യൊഹാനോട് ക്ലാസ് ടീച്ചറാണ് സ്കൂൾ വാർഷികാഘോഷത്തിന് വേണ്ടി ദേശീയഗാനം പിയാനോയിൽ വായിക്കാൻ ആവശ്യപ്പെട്ടത്.

അച്ഛന്റെ പരിശീലനത്തിൽ യൊഹാൻ ദേശീയഗാനം പിയാനോയിൽ വായിക്കാൻ പഠിച്ചു. എന്നാൽ ഈ പിയാനോ വായനയോടെ സ്കൂളിൽ മാത്രമല്ല ഇന്ത്യ ബുക്ക് ഓഫ് റെക്കോർഡ്സിലും ഈ കുഞ്ഞുമിടുക്കൻ സ്റ്റാറായി. ഇതിനിടെ റിപ്പബ്ലിക് ദിനത്തോടനുബന്ധിച്ച് ദേശീയഗാനം കണ്ണുമൂടിക്കെട്ടി പിയാനോയിൽ വായിക്കുന്ന യൊഹാന്റെ ചിത്രങ്ങളും സോഷ്യൽ ഇടങ്ങളിൽ വൈറലാകുന്നുണ്ട്.

Read also: അറിയാം രാഷ്‌ട്രം പത്മശ്രീ നൽകി ആദരിച്ച അലി മണിക്ഫാൻ എന്ന സാധാരണക്കാരനായ ആ വലിയ മനുഷ്യനെ

ഭാവിയിൽ ലോകം അറിയുന്ന ഒരു പിയാനിസ്റ്റ് ആകണമെന്നാണ് ഈ കൊച്ചുമിടുക്കന്റെ ആഗ്രഹം. അതിനായുള്ള ശ്രമങ്ങളും തുടങ്ങിക്കഴിഞ്ഞു ഈ നാലു വയസുകാരൻ.

Read also:അതിശൈത്യവും മഞ്ഞുവീഴ്ചയും; അമ്മയ്ക്കും കുഞ്ഞിനും താങ്ങായി ഇന്ത്യൻ സൈന്യം, ഹൃദ്യം ഈ കാഴ്ച

Story Highlights: Yohan Playing Indian National Anthem in Piano Blindfolded