‘വട ചെന്നൈ’യെ അഭിനന്ദിച്ച് ബോളിവുഡ് സംവിധായകന്‍ അനുരാഗ് കശ്യപ്
പ്രേക്ഷകര്‍ ഏറെ ആകാംഷയോടെ കാത്തിരുന്ന ചിത്രമാണ് ധനുഷ് നായകനായെത്തുന്ന ‘വട ചെന്നൈ’. പ്രേക്ഷകരുടെ പ്രതീക്ഷ തെറ്റിയില്ല. മികച്ച പ്രതികരണത്തോടെ തീയറ്ററുകളില്‍ മുന്നേറുകയാണ് ചിത്രം. ഇന്ത്യയ്ക്കു പുറമെ വിദേശത്തുനിന്നും ചിത്രത്തിനു മികച്ച പ്രതികരണമാണ് ലഭിക്കുന്നത്. നിരവധി പേര് ചിത്രത്തെ അഭിനന്ദിച്ചും രംഗത്തെത്തിയിരുന്നു. ഇപ്പോഴിതാ ബോളിവുഡ് സംവിധായകന്‍ അനുരാഗ് കശ്യപ് വട ചെന്നൈയെ അഭിനന്ദിച്ചിരിക്കുകയാണ്.
#andreajeremiah #Samuthirakani @dhanushkraja and the actors who played Senthil, rajan and padma .. just so brilliant #vadachennai . And that actor who plays the brother Kannan , in the scene where he stands up for Anbu against his father .. so much to talk about
— Anurag Kashyap (@anuragkashyap72) 24 October 2018
അടുത്തിടെ കണ്ടതില്‍ തന്നെ അത്ഭുതപ്പെടുത്തിയ ചിത്രമാണെന്നും കണ്ടതില്‍ ഏറ്റവും ഒര്‍ജിനലായ ഗ്യാങ്സ്റ്റര്‍ സിനിമയാണ് വട ചെന്നൈയെന്നുമാണ് അനുരാഗ് കശ്യപ് പറഞ്ഞത്. ഔദ്യോഗിക ട്വിറ്ററിലൂടെയാണ് വട ചെന്നൈയെ അഭിനന്ദിച്ച് അനുരാഗ് കുറിച്ചത്.
#vadachennai the most original
Gangster film I have seen and so simply achieved .. @VetriMaaran you are consistently an amazing filmmaker .. one of the best we have ..— Anurag Kashyap (@anuragkashyap72) 24 October 2018
വെട്രിമാരനാണ് ചിത്രത്തിന്റെ സംവിധായകന്‍. പിന്‍ജിയോ അന്താരാഷ്ട്ര ചലച്ചിത്രമേളയിലും മികച്ച പ്രതികരണമാണ് ‘വട ചെന്നൈ’ എന്ന ചിത്രത്തിന് ലഭിച്ചത്. സങ്കീര്‍ണ്ണതകള്‍ ഏറെയുള്ള ഒരല്പം ബോള്‍ഡായ കഥാപാത്രമായാണ് ചിത്രത്തില്‍ ധനുഷ് എത്തുന്നത്. ധനുഷിന് മികച്ച നടനുള്ള ദേശീയ പുരസ്‌കാരം നേടിക്കൊടുത്ത ‘ആടുകളം’ എന്ന ചിത്രത്തിന്റെ സംവിധായകനാണ് വെട്രിമാരന്‍. ധനുഷും വെട്രിമാരനും വീണ്ടും ഒന്നിക്കുന്ന എന്ന പ്രത്യേകതയും ‘വട ചെന്നൈ’ എന്ന ചിത്രത്തിനുണ്ട്.
വടക്കന്‍ ചെന്നൈയിലെ ഒരുകൂട്ടം ആളുകളുടെ ജീവിതമാണ് ഈ ചിത്രത്തിന്റെ മുഖ്യ പ്രമേയം. ദേശീയ കാരംസ കളിക്കാരനായിട്ടാണ് ധനുഷ് ചിത്രത്തിലെത്തുന്നത്. ഐശ്വര്യ രാജേഷ്, ആന്‍ഡ്രിയ ജെര്‍മിയ, സമുദ്രക്കനി തുടങ്ങിയവരും ചിത്രത്തില്‍ പ്രധാന കഥാപാത്രങ്ങളായി എത്തുന്നുണ്ട്.
അന്‍പ് എന്നാണ് ചിത്രത്തില്‍ ധനുഷ് അവതരിപ്പിക്കുന്ന കഥാപാത്രത്തിന്റെ പേര്. സിനിമ റിലീസ് ചെയ്യുന്നതിനും മുമ്പേ ചിത്രത്തിന്റെ പ്രത്യേക പ്രെമോ വീഡിയോ അണിയറ പ്രവര്‍ത്തകര്‍ പുറത്തുവിട്ടിരുന്നു. ‘അന്‍പ് ദി ആങ്കര്‍’ എന്ന പേരില്‍ റിലീസ് ചെയ്ത വീഡിയോ ഇതിനോടകംതന്നെ നിരവധി പേരാണ് കണ്ടത്. ‘വട ചെന്നൈ’ എന്ന ചിത്രത്തില്‍ ധനുഷ് അവതരിപ്പിക്കുന്ന അന്‍പ് എന്ന കഥാപാത്രത്തെ കേന്ദ്രീകരിച്ച് തയാറാക്കിയിരിക്കുന്ന പ്രെമോ വീഡിയോ ആണ് ഇത്.
