മനോഹരമായ ഗാനാലാപനത്തിലൂടെ സംഗീത മാന്ത്രികന്‍ എ ആര്‍ റഹ്മാനെ ഞെട്ടിച്ച ഗായിക സിനിമയിലേക്ക്…
സോഷ്യൽ മീഡിയയിലൂടെ തരംഗമായ ബേബി എന്ന യുവതിയെ ആരും മറന്നിട്ടുണ്ടാവില്ല.. സംഗീത മാന്ത്രികന്‍ എ ആര്‍ റഹ്മാന്‍ തിരഞ്ഞ ബേബി എന്ന പാട്ടുകാരിയെ സാമൂഹ്യമാധ്യമങ്ങള്‍ നേരത്തെ ഏറ്റെടുത്തതാണ്. സോഷ്യല്‍ മീഡിയയില്‍ ഇപ്പോഴും ഇവരുടെ പാട്ടുകള്‍ പങ്കുവെയ്ക്കുന്നവരും നിരവധിയാണ്. ഇപ്പോഴിതാ നവ മാധ്യമ ലോകത്ത് വീണ്ടും ശ്രദ്ധേയമാവുകയാണ് ഗോദാവരി സ്വദേശിനിയായ ബേബി എന്ന പാട്ടുകാരി.
ബേബിയുടെ പാട്ടുകൾ വളരെ നേരത്തെ തന്നെ ജന ശ്രദ്ധ നേടിയിരുന്നു. വീട്ടിലിരുന്ന് മനോഹര ഗാനം ആലപിച്ച ബേബിയെത്തേടി ഇപ്പോഴെത്തുന്നത് സിനിമ മേഖലയിലെ നിരവധി ആളുകളാണ്. ഇപ്പോഴിതാ ബേബിക്ക് സിനിമയിൽ പാടാൻ അവസരമൊരുക്കിയിരിക്കുയാണ് സംഗീത സംവിധായകനായ രഘു കുഞ്ചേ. പുതുതായി ഇറങ്ങാൻ പോകുന്ന പലാസ 1978 എന്ന തെലുങ്ക് ചിത്രത്തിലൂടെയാണ് സിനിമ പിന്നണി ഗാന രംഗത്തേക്ക് ബേബി ചുവടുവെയ്ക്കുന്നത്.
Read also: ഈ മനോഹര ശബ്ദത്തിന് ഉടമയെ തിരഞ്ഞ് മാന്ത്രിക സംഗീതജ്ഞൻ എ ആർ റഹ്മാൻ
അതിമനോഹരമായ ശബ്ദമാധുര്യംകൊണ്ട് ഏ ആര്‍ റഹ്മാനെപ്പോലും അമ്പരപ്പിച്ച ബേബിയെത്തേടി കഴിഞ്ഞ ദിവസം തെലുങ്ക് സൂപ്പര്‍താരം ചിരഞ്ജീവി എത്തിയിരുന്നു. ചിരഞ്ജീവിയുടെ വലിയ ആരാധികയാണ് ബേബി. തന്റെ പ്രീയപ്പെട്ട ആരാധികയെ കാണാന്‍ ഭാര്യയ്‌ക്കൊപ്പമാണ് ചിരഞ്ജീവി എത്തിയത്. നിറഞ്ഞ സന്തോഷത്തോടെ ബേബി ഇരുവരെയും കണ്‍കുളിര്‍ക്കെ കണ്ടു.
