വാർണർ വെടിക്കെട്ടിൽ ഹൈദരാബാദിന് വിജയം

ഐ പി എലിൽ കിങ്‌സ് ഇലവൻ പഞ്ചാബിനെ 45 റൺസിന് തകർത്ത് സൺറൈസേസ് ഹൈദരാബാദ്. 213 റൺസ് വിജയലക്ഷ്യം പിന്തുടർന്ന പഞ്ചാബ് ഇന്നിങ്സ് 167 റൺസിൽ അവസാനിക്കുകയായിരുന്നു.

ടോസ് നേടിയ പഞ്ചാബ്, ഹൈദരാബാദിനെ ബാറ്റിംഗിന് അയ്ക്കുകയായിരുന്നു. ഹൈദരാബാദിനു വേണ്ടി ഓപ്പണർ റോളിൽ ഇറങ്ങിയ സാഹയെ കൂട്ടു പിടിച്ച് വാർണർ മികച്ച തുടക്കം നൽകി. അർധ സെഞ്ചുറി നേടിയ വാർണർ 56 പന്തിൽ നിന്നും 9 ബൗണ്ടറികളുടെ സഹായത്തോടെ 81റൺസ് നേടി. ഹൈദരാബാദിനുവേണ്ടി സാഹ 28 ഉം മനീഷ് പാണ്ഡെ 36 റൺസും നേടി. പഞ്ചാബ് ബോളർമാർ കണക്കിന് അടിവാങ്ങിയ മത്സരത്തിൽ നിശ്ചിത ഓവറിൽ സൺറൈസേഴ്സ് 212 റൺസ് സ്വന്തമാക്കി.

മറുപടി ബാറ്റിങ്ങിൽ കൂറ്റൻ സ്കോർ പിന്തുടർന്ന പഞ്ചാബിന് തുടക്കത്തിൽ തന്നെ വമ്പൻ അടിക്കാരൻ ഗെയിലിനെ നഷ്ടമായി. ഓപ്പണർ രാഹുലും അഗർവാളും മികച്ച കൂട്ടുകെട്ട് ഉണ്ടാക്കിയെങ്കിലും ഹൈദരാബാദിന്റെ മികച്ച ബോളിംഗിനു മുൻപിൽ അധിക നേരം പിടിച്ചു നിൽക്കാൻ പഞ്ചാബ് താരങ്ങൾക്കായില്ല.

Read more:ഇത് ലാലേട്ടന്റെ കലാവിരുത്; ചിത്രങ്ങൾ പങ്കുവെച്ച് അജു വർഗീസ്

ഹൈദരാബാദിനു വേണ്ടി ഖലീൽ അഹമ്മദ്, റാഷിദ്‌ ഖാൻ എന്നിവർ മൂന്ന് വിക്കറ്റ് വീതം വീഴ്ത്തി.
56 പന്തിൽ നിന്നും 9 ബൗണ്ടറികളുടെ സഹായത്തോടെ 79 നേടിയ രാഹുൽ പൊരുതി നോക്കിയെങ്കിലും വിജയം അകന്നു നിന്നു. നിശിചിത ഓവറിൽ 8 വിക്കറ്റ് നഷ്ടത്തിൽ 167 നേടാനേ പഞ്ചാബിന് സാധിച്ചൊള്ളു. മത്സരം വിജയിച്ച ഹൈദരാബാദ് 12 പോയിന്റോടെ പട്ടികയിൽ നാലാം സ്ഥാനത്തെത്തി. ആദ്യ നാല് ടീമുകളാണ് പ്ലേ ഓഫ് ലേക്ക് കടക്കുക.

ഐ പി എലിൽ ഇന്ന് ബംഗളൂരും രാജസ്ഥാനും തമ്മിൽ ഏറ്റുമുട്ടും.