പ്രണയം പറഞ്ഞ് ‘ദി ഗാംബ്ലറി’ലെ ഗാനം; വീഡിയോ കാണാം..
അബ്രഹാമിന്റെ സന്തതികളിലൂടെ ശ്രദ്ധേയനായ ആന്‍സണ്‍ പോൾ നായകനായി എത്തുന്ന ചിത്രം ദി ഗാംബ്ലറിലെ പുതിയ ഗാനം പുറത്തിറങ്ങി. മനോഹരമായ തീരം തേടും എന്നു തുടങുന്ന പ്രണയഗാനം ആലപിച്ചിരിക്കുന്നത് കാർത്തിക്കാണ്. ചിത്രത്തിന്റെ ട്രെയ്‌ലറിനും മികച്ച സ്വീകാര്യത ലഭിച്ചിരുന്നു. നടന്‍ ദുല്‍ഖര്‍ സല്‍മാൻ തന്റെ ഒഫീഷ്യല്‍ ഫെയ്‌സ്ബുക്ക് പേജിലൂടെയാണ് ട്രെയ്‌ലർ പുറത്തുവിട്ടത്. യൂട്യൂബിൽ തരംഗം സൃഷ്ടിച്ച ട്രെയിലര്‍ ഇതിനോടകം മൂന്ന് ലക്ഷത്തിനടുത്ത് ആളുകളാണ് കണ്ടിരിക്കുന്നത്.
Read also: ലൂസിഫറിലെ ആ ഡിലീറ്റ് ചെയ്ത രംഗമിതാ; ലാലേട്ടന്റെ പിറന്നാൾ ദിനത്തിൽ വീഡിയോ പങ്കുവെച്ച് പൃഥ്വി
ടൊവിനോ തോമസ് നായകനായ ‘ഒരു മെക്‌സിക്കന്‍ അപാരത’ ഒരുക്കിയ ടോം ഇമ്മട്ടിയാണ് ദി ഗാംബ്ലര്‍ സംവിധാനം ചെയ്യുന്നത്. ഡയാന ഹമീദാണ് സിനിമയില്‍ ആന്‍സണ്‍ പോളിന്റെ നായികയായി വേഷമിടുന്നത്. ചിത്രത്തിൽ ഇന്നസെന്റ്, സലീം കുമാര്‍, സിജോയ് വര്‍ഗീസ്, രൂപേഷ് പീതാംബരന്‍, ജയരാജ് വാര്യര്‍, അരിസ്റ്റോ സുരേഷ്, ജോസഫ് അന്നംകുട്ടി ജോസ്, വിഷ്ണു ഗോവിന്ദ്, വിജയകുമാര്‍, വിനോദ് നാരായണന്‍, ശ്രീലക്ഷ്മി, രജിനി ചാണ്ടി, മാലതി ടീച്ചര്‍, വിദ്യ തുടങ്ങിയവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. ട്രൂലൈന്‍ സിനിമയുടെ ബാനറില്‍ തങ്കച്ചന്‍ ഇമ്മാനുവല്‍ നിര്‍മ്മിക്കുന്ന ചിത്രത്തിന്റെ ഛായാഗ്രഹണം പ്രകാശ് വേലായുധനാണ്. മണികണ്ഠന്‍ അയ്യപ്പയാണ് സംഗീതം. പശ്ചാത്തല സംഗീതം ഗോപി സുന്ദര്‍. ചിത്രം മെയ് 17ന് തിയേറ്ററുകളില്‍ റിലീസ് ചെയ്യും.
