ഗാന്ധിജിയുടെ പ്രിയപ്പെട്ട ‘വൈഷ്ണവ ജന തോ…’ ഭജന്‍ മനോഹരമായി ആലപിച്ച് സൗദി സ്വദേശി: കൈയടിച്ച് സോഷ്യല്‍ മീഡിയ
ഇന്ത്യയുടെ രാഷ്ട്രപിതാവ് മഹാത്മാ ഗാന്ധിയുടെ 150-ാം ജന്മവാര്‍ഷികത്തിന്റെ നിറവിലാണ് രാജ്യം. ഗാന്ധിജയന്തി ദിനമായ ഇന്നലെ (ഒക്ടോബര്‍ 2) രാജ്യമൊട്ടാകെ വിപുലമായ ആഘോഷ പരിപാടികളാണ് അരങ്ങേറിയത്. രാജ്യത്ത് മാത്രമല്ല ലോകമെമ്പാടും ഗാന്ധിജിയോടുള്ള ആദരസൂചകമായി വിവിധ പരിപാടികള്‍ അരങ്ങേറുന്നു.
ഗാന്ധിജയന്തിയോട് അനുബന്ധിച്ച് റിയാദിലെ ഇന്ത്യന്‍ എംബസ്സിയില്‍ നടന്ന പരിപാടികളുടെ വീഡിയോയാണ് സാമൂഹ്യ മാധ്യമങ്ങളില്‍ ശ്രദ്ധേയമാകുന്നത്. ഗാന്ധിയുടെ പ്രിയപ്പെട്ട വൈഷ്ണവ ജന തോ… എന്ന ഭജന്‍ ആലപിച്ചിരിക്കുകയാണ് സൗദി സ്വദേശി. നൗഫ് അല്‍മര്‍വായ് എന്ന യൂസറാണ് ഈ വീഡിയോ ട്വിറ്ററില്‍ പങ്കുവച്ചിരിക്കുന്നത്. ഇന്നലെ പങ്കുവച്ച വീഡിയോയെ പ്രശംസിച്ചുകൊണ്ട് നിരവധിപേരാണ് രംഗത്തെത്തുന്നത്. ഹൃദ്യമാണ് സൗദി സ്വദേശിയുടെ ഈ ഭജന്‍ ആലാപനം. സാമൂഹ്യമാധ്യമങ്ങള്‍ ഒന്നാകെ ഈ മനോഹരമായ ആലാപനത്തിന് കൈയടിക്കുന്നു.
A Saudi singer singing Gandhijis favourite bhajan “Vaishnava Jana To” in the #GandhiJayanti Celebrations in #Riyadh organised by @IndianEmbRiyadh pic.twitter.com/7PPlbJ6Ckc
— Nouf Almarwaai نوف المروعي ?? (@NoufMarwaai) October 1, 2019
