നായികയായി നമിത പ്രമോദ്; ‘അല്‍ മല്ലു’ ഒരുങ്ങുന്നു
നമിത പ്രമോദ് കേന്ദ്ര കഥാപാത്രമായെത്തുന്ന പുതിയ ചിത്രമൊരുങ്ങുന്നു. ‘അല്‍ മല്ലു’ എന്നാണ് ചിത്രത്തിന്റെ പേര്. ബോബന്‍ സാമുവല്‍ ആണ് ചിത്രത്തിന്റെ സംവിധാനം നിര്‍വഹിക്കുന്നത്. സംവിധായകന്‍ തന്നെയാണ് ചിത്രത്തിന് തിരക്കഥ ഒരുക്കിയിരിക്കുന്നതും. പ്രവാസജീവിതം പശ്ചാത്തലമാക്കിയാണ് ‘അല്‍ മല്ലു’ ഒരുങ്ങുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്ററും കഴിഞ്ഞ ദിവസം പുറത്തിറങ്ങി.
‘അല്‍ മല്ലു’ എന്ന ചിത്രത്തില്‍ നിരവധി താരങ്ങള്‍ അണിനിരക്കുന്നുണ്ട്. മിയ, സിദ്ദിഖ്, മിഥുന്‍ രമേശ്, ധര്‍മ്മജന്‍ ബോള്‍ഗാട്ടി, ഷീലു എബ്രഹാം, സിനില്‍ സൈനുദ്ദീന്‍, വരദ, ജെന്നിഫര്‍ എന്നിവര്‍ ചിത്രത്തില്‍ കഥാപാത്രങ്ങളായെത്തുന്നു. മെഹ്ഫില്‍ പ്രൊഡക്ഷന്‍സിന്റെ ബാനറില്‍ സിജില്‍സ് മജീദാണ് ചിത്രത്തിന്റെ നിര്‍മാണം. രഞ്ജിന്‍ രാജാണ് ചിത്രത്തിലെ ഗാനങ്ങള്‍ക്ക് സംഗീതമൊരുക്കുന്നത്.
Read more:കഞ്ഞിവെച്ചും വെള്ളംകോരിയും അരിഅരച്ചും ആന്‍ഡ്രോയ്ഡ് കുഞ്ഞപ്പന്‍; ഈ റോബോട്ട് സൂപ്പര്‍: വീഡിയോ
അതേസമയം മാര്‍ഗ്ഗംകളിയാണ് നമിത പ്രമോദിന്റേതായി അവസാനമായി തിയേറ്ററുകളിലെത്തിയ ചിത്രം. ശ്രീജിത് വിജയന്‍ സംവിധാനം നിര്‍വഹിച്ച ചിത്രമാണ് ‘മാര്‍ഗ്ഗംകളി’. ബിബിന്‍ ജോര്‍ജാണ് ചിത്രത്തില്‍ നായക കഥാപാത്രമായെത്തിയത്. ബൈജു സന്തോഷ്, സിദ്ദിഖ്, ഹരീഷ് കണാരാന്‍, ധര്‍മ്മജന്‍ ബോള്‍ഗാട്ടി, ബിന്ദു പണിക്കര്‍, ശാന്തി കൃഷ്ണ, സുരഭി സന്തോഷ്, സൗമ്യ മേനോന്‍ തുടങ്ങി നിരവധി താരങ്ങള്‍ മാര്‍ഗ്ഗംകളിയില്‍ കഥാപാത്രങ്ങളായെത്തി. ഊര്‍മിള എന്നാണ് ചിത്രത്തില്‍ നമിത പ്രമോദ് അവതരിപ്പിച്ച കഥാപാത്രത്തിന്റെ പേര്. ഈ കഥാപാത്രവും ഏറെ ശ്രദ്ധിക്കപ്പെട്ടിരുന്നു.
