സുമനസുകളുടെ കാരുണ്യം കാത്ത് ഷാനവാസും കുടുംബവും

നോവിന്റെ നീർച്ചാലുകൾ ഒഴുകിയ മുഖങ്ങളിൽ പുഞ്ചിരി വിടർത്തുകയാണ് ഫ്‌ളവേഴ്‌സ് ടിവിയിൽ സംപ്രേഷണം ചെയ്യുന്ന അനന്തരം പരിപാടി. മഹാരോഗത്തോട് പോരാടുന്ന നിരവധി പേര്‍ക്കാണ് ഈ പരിപാടിയിലൂടെ സഹായങ്ങള്‍ ലഭിയ്ക്കുന്നത്. രോഗാവസ്ഥയില്‍ ബുദ്ധിമുട്ടുന്നവര്‍ക്ക് അനേകരാണ് സഹായങ്ങള്‍ വാഗ്ദാനം ചെയ്ത് മുന്നോട്ടെത്തുന്നത്.

കൊല്ലം ജില്ലയിലെ മാങ്ങാട് സ്വദേശിയായ ഷാനവാസ് പത്ത് മാസമായി സ്ട്രോക്ക് വന്ന് കിടപ്പിലാണ്. രോഗിയായ മാതാപിതാക്കളും രണ്ട് പറക്കമുറ്റാത്ത കുഞ്ഞുങ്ങളുമുള്ള കുടുംബത്തിന്റെ ഏക ആശ്രയമായിരുന്നു ഷാനവാസ്. നല്ലവരായ നാട്ടുകാരുടെയും സുഹൃത്തുക്കളുടെയും സഹായത്താലാണ് ഇതുവരെയുള്ള ചികിത്സ നടന്നത്. എന്നാൽ നിത്യേനയുള്ള ജീവിതച്ചിലവിന് പോലും ഇപ്പോൾ മറ്റുള്ളവരെ ആശ്രയിക്കേണ്ട അവസ്ഥയിലാണ് ഈ കുടുംബം. ഇതുവരെ ഏകദേശം 16 ലക്ഷത്തോളം രൂപ ഷാനവാസിന്റെ ചികിത്സയ്ക്കായി ചിലവാക്കിക്കഴിഞ്ഞു. ദിവസേന ഫിസിയോതെറാപ്പിയും ചെയ്യുന്നുണ്ട്. ഷാനവാസിന് ഇനിയും ഒരു സർജറി കൂടി ആവശ്യമാണ്, എന്നാൽ ഇതിന് ഒരു ഭീമമായ തുക ആവശ്യമാണ്. കുടുംബത്തിനും സുഹൃത്തുക്കൾക്കും താങ്ങാവുന്നതിലും ഏറെയാണ് ഈ തുക.

ഷാനവാസിന് പുതുജീവൻ ലഭിക്കുന്നതിനായി ഇനിയും സുമനസുകളുടെ സഹായം ആവശ്യമാണ്. അനന്തരത്തിലൂടെ ലോകമലയാളികൾ ഈ കുടുംബത്തെ ഏറ്റെടുക്കുമെന്ന പ്രതീക്ഷയിലാണ് ഷാനവാസും കുടുംബവും.

ബാങ്ക് ഡീറ്റെയില്‍സ്

NAME: FLOWERS FAMILY CHARITABLE SOCIETY

BANK:PUNJAB NATIONAL BANK

ACCOUNT NO: 4291002100013564

BRANCH: KATHRIKADAVU, ERNAKULAM

IFSC CODE: PUNB0429100

ACCOUNT TYPE: CURRENT A/C