‘എൻ രാമഴയിൽ’; മനോഹരം ഈ പ്രണയഗാനം, വീഡിയോ
അനൂപ് മേനോൻ സംവിധായകനാകുന്ന ഏറ്റവും പുതിയ ചിത്രമാണ് കിംഗ് ഫിഷ്. ‘ഒരു രാജാവിന്റെ തോന്നിവാസങ്ങൾ’ എന്ന ടാഗ് ലൈനോടുകൂടിയാണ് ചിത്രം എത്തുന്നത്. ചിത്രത്തിന്റെ പോസ്റ്റർ നേരത്തെ അണിയറ പ്രവർത്തകർ പുറത്തുവിട്ടിരുന്നു. ഇപ്പോഴിതാ പ്രേക്ഷകർക്കിടയിൽ ശ്രദ്ധനേടുകയാണ് ചിത്രത്തിലെ ഒരു ഗാനം. വിജയ് യേശുദാസ് ആലപിച്ചിരിക്കുന്ന ഗാനത്തിന്റെ വരികൾ തയാറാക്കിയിരിക്കുന്നത് രതീഷ് വേഗയാണ്. ‘എന്‍ രാമഴയില്‍’ എന്ന് തുടങ്ങുന്ന ഗാനത്തിൽ അനൂപ് മേനോനും ദിവ്യ പിള്ളയുമാണ് പ്രത്യക്ഷപ്പെടുന്നത്.
അനൂപ് മേനോനൊപ്പം സംവിധായകൻ രഞ്ജിത്തും കൂടി ഒന്നിക്കുന്നുവെന്ന മറ്റൊരു പ്രത്യേകത കൂടി ചിത്രത്തിനുണ്ട്. ദശരഥ വര്‍മ എന്നാണ് ചിത്രത്തില്‍ രഞ്ജിത്ത് അവതരിപ്പിക്കുന്ന കഥാപാത്രത്തിന്റെ പേര്. നെയ്മീന്‍ ഭാസി എന്നു വിളിപ്പേരുള്ള ഭാസ്‌കര വര്‍മയെ അനൂപ് മേനോനായിരിക്കും അവതരിപ്പിക്കുക.
Read also: തൊഴിലുറപ്പ് ജോലിക്കിടെ പാട്ട്; മനോഹരമായ ആലാപനത്തിന് സോഷ്യൽ മീഡിയയുടെ നിറഞ്ഞ കൈയടി, വീഡിയോ
ദുർഗ കൃഷ്ണ, ധനേഷ് ആനന്ദ്, ലാല്‍ ജോസ്, ഇര്‍ഷാദ്, നിരഞ്ജന അനൂപ്, നിസ്സ എന്നിവരും ചിത്രത്തിൽ അഭിനയിക്കുന്നുണ്ട്. മഹാദേവന്‍ തമ്പി ഛായാഗ്രഹണവും നിര്‍വഹിക്കുന്നു. എന്റെ മെഴുതിരി അത്താഴങ്ങളാണ് അനൂപിന്റെ തിരക്കഥയില്‍ പിറന്ന അവസാന ചിത്രം. വി കെ പ്രകാശ് സംവിധാനം നിർവഹിച്ച ബ്യൂട്ടിഫുൾ എന്ന ചിത്രത്തിന് ശേഷം രതീഷ് വേഗയും അനൂപ് മേനോനും ഒന്നിക്കുന്ന ചിത്രമാണ് കിംഗ് ഫിഷ്. ചിത്രത്തിൽ ജയസൂര്യയും അനൂപ് മേനോനുമാണ് പ്രധാന കഥാപാത്രങ്ങളെ അവതരിപ്പിച്ചത്. ചിത്രത്തിലെ രതീഷ് വേഗ ഒരുക്കിയ മഴനീർത്തുള്ളികൾ എന്ന ഗാനവും ഏറെ പ്രേക്ഷക ശ്രദ്ധ പിടിച്ചുപറ്റിയിരുന്നു.
