അല്ലു അര്‍ജുനൊപ്പം ജയറാമും; ‘അല വൈകുണഠപുരംലോ’ മേക്കിങ് വീഡിയോ
തെന്നിന്ത്യയില്‍ ഏറെ ആരാധകരുള്ള അല്ലു അര്‍ജുനും മലയാളികളുടെ പ്രിയതാരം ജയറാമും പ്രധാന കഥാപാത്രങ്ങളായെത്തുന്ന പുതിയ ചിത്രമാണ് ‘അല വൈകുണഠപുരംലോ’. ചിത്രത്തിന്റെ മേക്കിങ് വീഡിയോ പുറത്തിറങ്ങി. ജയറാമിന് പുറമെ മലയാളി താരം ഗോവിന്ദ് പത്മസൂര്യയെയും മേക്കിങ് വീഡിയോയില്‍ കാണാം.
‘അല വൈകുണഠപുരംലോ’ എന്ന ചിത്രം ഈ മാസം തിയേറ്ററുകളില്‍ പ്രദര്‍ശനത്തിനെത്തും. നിവേദ പേതുരാജ്, തബു, സുശാന്ത്, നവ്ദീപ്, രാഹുല്‍ രാമകൃഷ്ണ, ബ്രഹ്മാജി, മുരളി ശര്‍മ്മ, ഹര്‍ഷ വര്‍ധന്‍ തുടങ്ങിയ നിരവധി താരങ്ങള്‍ ചിത്രത്തില്‍ അണിനിരക്കുന്നുണ്ട്. ത്രിവിക്രം ശ്രീനിവാസ് ആണ് ചിത്രത്തിന്റെ സംവിധാനം നിര്‍വഹിക്കുന്നത്.
അല്ലു അരവിന്ദും എസ് രാധാ കൃഷ്ണയും ചേര്‍ന്നാണ് ‘അല വൈകുണഠപുരംലോ’ എന്ന ചിത്രത്തിന്റെ നിര്‍മാണം. പി എസ് വിനോദാണ് ഈ സിനിമയുടെ ഛായാഗ്രഹണം നിര്‍വഹിക്കുന്നത്.
അതേസമയം ജയറാം നായകനായെത്തുന്ന സംസ്‌കൃത ചിത്രം ‘നമോ’യും അണിയറയില്‍ ഒരുക്കത്തിലാണ്. വിജീഷ് മണിയാണ് ‘നമോ’യുടെ സംവിധാനം നിര്‍വഹിക്കുന്നത്. കൃഷ്ണ കുചേല കഥയുടെ ഇതിവൃത്തത്തിലൂടെ നല്ല രാജാവും നല്ല പ്രജയും എന്തായിരിക്കണമെന്ന ഭാരതീയ തത്വസംഗിതകളെ സംസ്‌കൃതത്തിന്റെ തനത് രൂപത്തില്‍ തന്നെ രേഖപ്പെടുത്തുന്ന ചിത്രം കൂടിയാണ് ‘നമോ’. ചിത്രത്തിന് വേണ്ടിയുള്ള ജയറാമിന്റെ മേക്ക് ഓവറും സമൂഹമാധ്യമങ്ങളില്‍ ഏറെ ശ്രദ്ധനേടിയിരുന്നു. തല മുണ്ഡനം ചെയ്ത് 20 കിലോ ഭാരം കുറച്ചാണ് താരം പുതിയ ചിത്രത്തിന് വേണ്ടി ഒരുങ്ങിയിരിക്കുന്നത്.
