പ്രിയ നായിക കാർത്തികയുടെ മകന്റെ വിവാഹ റിസപ്ഷനിൽ മോഹൻലാൽ എത്തിയപ്പോൾ- വീഡിയോ
മലയാളികളുടെ പ്രിയ താരജോഡികളായിരുന്നു മോഹൻലാലും കാർത്തികയും. സിനിമയിൽ മികച്ച അവസരങ്ങളുമായി നിറഞ്ഞു നിൽക്കവേ വിവാഹിതയായി വെള്ളിത്തിരയിൽ നിന്നും മറയുകയായിരുന്നു കാർത്തിക. ഇപ്പോൾ മകന്റെ വിവാഹത്തിന് സിനിമ ലോകത്ത് ഒന്നിച്ച് പ്രവർത്തിച്ച എല്ലാവരെയും ക്ഷണിച്ച് ഓർമ്മകൾ പുതുക്കുകയാണ് കാർത്തിക.
വിവാഹ ചടങ്ങിലും വിവാഹ റിസപ്ഷനിലും ഒട്ടേറെ താരങ്ങൾ പങ്കെടുത്തിരുന്നു. മോഹൻലാൽ റിസപ്ഷനിൽ ആണ് പങ്കെടുത്തത്. ചടങ്ങിൽ മോഹൻലാൽ എത്തുന്ന വീഡിയോ സമൂഹ മാധ്യമങ്ങളിൽ തരംഗമാണ്.
‘ദേശാടനക്കിളികൾ കരയാറില്ല’, ‘ഗാന്ധിനഗർ സെക്കൻഡ് സ്ട്രീറ്റ്’, ‘കരിയിലക്കാറ്റു പോലെ’, ‘സന്മനസുള്ളവർക്ക് സമാധാനം’, ‘താളവട്ടം’ എന്നിങ്ങനെയുള്ള ചിത്രങ്ങളിലാണ് മോഹൻലാലും കാർത്തികയും ഒന്നിച്ച് അഭിനയിച്ചത്.
Read More:അതിവേഗം 5000 റണ്‍സ് തികച്ച നായകന്‍; ചരിത്രം കുറിച്ച് വിരാട് കോലി
വിവാഹ ചടങ്ങിൽ പങ്കെടുക്കാനും ഒട്ടേറെ താരങ്ങൾ എത്തിയിരുന്നു. നടൻ വിനീത്, സുരേഷ് ഗോപി, ഭാര്യ രാധിക, മേനക, കാവാലം ശ്രീകുമാർ എന്നിവർ വിവാഹ ചടങ്ങിൽ പങ്കെടുത്തു.
