‘യാത്രയും സംഗീതവും’; ചില യാത്രാവിശേഷങ്ങൾ
യാത്രകളും സംഗീതവും പരസ്പരം ഇഴചേർന്ന് നിൽക്കുന്നതാണ്. യാത്രകളിൽ മനോഹരമായ ഗാനങ്ങൾ കേൾക്കുന്നതും യാത്രകളെ കൂടുതൽ സുന്ദരമാക്കാറുണ്ട്. എന്നാൽ ഡ്രൈവ് ചെയ്യുമ്പോൾ സംഗീതം ആസ്വദിക്കുന്നത് അപകടങ്ങൾക്ക് കാരണമാകുമോ എന്ന തരത്തിലുള്ള സംശയങ്ങൾ പലർക്കും ഉണ്ട്. ഡ്രൈവ് ചെയ്യുമ്പോൾ പാട്ടുകേൾക്കുന്നത് ഡ്രൈവിങ് സ്ട്രെസ് പൊതുവെ ഇല്ലാതാക്കുമെന്നാണ് പഠനങ്ങൾ തെളിയിക്കുന്നത്.
ട്രാഫിക് ബ്ലോക്കുകളിൽ കിടക്കുമ്പോഴും, ദൂരയാത്രകൾ ചെയ്യുമ്പോഴും അനുഭവിക്കേണ്ടി വരുന്ന സ്‌ട്രെസിനും മടുപ്പിനും ഉള്ള പ്രതിവിധിയാണ് സംഗീതം. അതുപോലെ പാട്ട് ആസ്വദിക്കുന്നത് ആരോഗ്യത്തിനും ഹൃദയത്തിനും ഒരുപോലെ ആശ്വാസം പകരുമെന്നും പഠനങ്ങൾ പറയുന്നു.
അതേസമയം വാഹനാപകടങ്ങൾ ഇന്ന് വളരെയധികമാണ്. അമിത വേഗതയും അശ്രദ്ധയും മൂലവും ഡ്രൈവ് ചെയ്യുമ്പോൾ വാഹനങ്ങളുടെ ബ്രേക്ക് നഷ്ടപ്പെട്ടും അപകടങ്ങൾ സംഭവിക്കുന്ന വാർത്തകൾ നാം ദിവസവും കേൾക്കാറുണ്ട്. അതുകൊണ്ടുതന്നെ അതീവ ശ്രദ്ധയോടെ വേണം വാഹനം ഓടിക്കാൻ. വാഹനങ്ങൾ ഓടിക്കുന്ന സമയങ്ങളിൽ മൊബൈൽ ഫോൺ ഉപയോഗിക്കാതിരിക്കുക. അതുപോലെ അമിത സ്പീഡും കുറയ്ക്കുക. ഇരുചക്രവാഹനങ്ങൾ ഓടിക്കുമ്പോൾ ഹെൽമറ്റ് നിർബന്ധമായും ധരിക്കുക.
Read also: ഇത് അയ്യപ്പൻ കോശി സീസൺ; സസ്പെൻസ് നിറച്ച് ട്രെയ്‌ലർ
മോട്ടോർ വാഹന വകുപ്പ് നൽകിയിട്ടുള്ള നിയമങ്ങൾ ഡ്രൈവ് ചെയ്യുമ്പോൾ നിർബന്ധമായും പാലിക്കണം. കാരണം ഒരു നിമിഷത്തെ അശ്രദ്ധ മതി ചിലപ്പോൾ ജീവൻ തന്നെ അപകടത്തിലാകാൻ.
