ഹൃദയത്തില്‍ തട്ടുന്ന കഥ; അന്വേഷണത്തിന് പ്രശംസയുമായി നടി ഐശ്വര്യ ലക്ഷ്മി
തിയേറ്റുകളില്‍ ഇന്ന് മുതല്‍ പ്രദര്‍ശനം ആരംഭിച്ച ചിത്രമാണ് ‘അന്വേഷണം’. ജയസൂര്യ നായകനായെത്തുന്ന ചിത്രത്തിന് മികച്ച പ്രതികരണമാണ് പ്രേക്ഷകരില്‍ നിന്നും ലഭിയ്ക്കുന്നത്. ‘ലില്ലി’ക്ക് ശേഷം പ്രശോഭ് വിജയന്‍ സംവിധാനം നിര്‍വഹിക്കുന്ന ചിത്രമാണ് ‘അന്വേഷണം’.
ചിത്രത്തെ പ്രശംസിച്ച് രംഗത്തെത്തിയിരിക്കുകയാണ് മലയാളികളുടെ പ്രിയതാരം ഐശ്വര്യ ലക്ഷ്മി. ”കാലഘട്ടത്തിന്റെ ആവശ്യമാണ് ഇത്തരത്തിലുള്ള സിനിമകള്‍. ഹൃദയത്തില്‍ തട്ടുന്ന തരത്തിലാണ് ചിത്രത്തിന്റെ കഥ. ഓരോ സീനും ശ്രദ്ധിക്കപ്പെടുന്നു. അടുത്ത സീനില്‍ എന്ത് സംഭവിക്കും എന്ന ആകാംഷയോടെയാണ് ചിത്രം കണ്ടിരുന്നത്. ചിത്രത്തിന്റെ മേക്കിങ് തന്നെയാണ് ചിത്രത്തിന്റെ പ്രത്യേകത.” ഐശ്വര്യ ലക്ഷമി ഇന്‍സ്റ്റഗ്രാമില്‍ കുറിച്ചു.
Read more: “ഇതെന്റെ പടത്തിലെ നായികയല്ല, ജീവിതത്തിലെ നായികയാണ്”; ഹൃദ്യം ഈ പരിചയപ്പെടുത്തല്‍: വീഡിയോ
ശ്രുതി രാമചന്ദ്രനാണ് ചിത്രത്തില്‍ നായികാ കഥാപാത്രമായെത്തുന്നത്. ഇ ഫോര്‍ എന്റര്‍ടെയ്ന്‍മെന്റ്‌സിന്റെ ബാനറിലാണ് ചിത്രത്തിന്റെ നിര്‍മ്മാണം. ഒരു കുട്ടിയുടെ ദുരൂഹ മരണവുമായി ബന്ധപ്പെട്ട് ഒരു ആശുപത്രിയില്‍ ഒറ്റ രാത്രി നടക്കുന്ന അന്വേഷണത്തിന്റെ കഥയാണ് ചിത്രത്തിന്റെ പ്രമേയം.
കുടുംബ ബന്ധങ്ങളുടെ ആഴം പറയുന്ന ചിത്രത്തിന്റെ അവസാന ഭാഗം വരെ ഒരു രഹസ്യസ്വഭാവം കാത്തുസൂക്ഷിച്ചിട്ടുണ്ട്. അരവിന്ദ് എന്ന മാധ്യമപ്രവര്‍ത്തകനായാണ് ചിത്രത്തില്‍ ജയസൂര്യയെത്തുന്നത്. അരവിന്ദന്റെ ഭാര്യയായ കവിത എന്ന കഥാപാത്രമായി ശ്രുതി രാമചന്ദ്രനും ചിത്രത്തിലെത്തുന്നു.
