കെ എസ് ആർ ടി സിയിൽ ഓടിക്കയറുന്ന പെൺകുട്ടിയെ കണ്ട് അമ്പരന്ന് ജനങ്ങൾ; മഞ്ജു വാര്യരുടെ രസകരമായ വീഡിയോ

ഏറെക്കാലം മലയാളികൾ കാത്തിരുന്ന ഒരു തിരിച്ചുവരവായിരുന്നു മഞ്ജു വാര്യരുടേത്. വെറും മൂന്നു വർഷം മാത്രം മലയാള സിനിമ ലോകത്ത് സജീവമായി നിന്ന മഞ്ജു തിരിച്ചുവരവിലും വിസ്മയിപ്പിക്കുകയായിരുന്നു. ഒട്ടേറെ ചിത്രങ്ങളിലാണ് മഞ്ജു വാര്യർ തിരിച്ചു വരവിൽ ഭാഗമായത്.

ഇപ്പോൾ ‘ചതുർമുഖം’ എന്ന ഹൊറർ ത്രില്ലറിലാണ് മഞ്ജു അഭിനയിക്കുന്നത്. സണ്ണി വെയ്ൻ നായകനാകുന്ന ചിത്രത്തിൽ വളരെ ചെറുപ്പം തോന്നുന്ന ലുക്കിലാണ് മഞ്ജു എത്തുന്നത്. ‘ചതുർമുഖം’ സെറ്റിൽ നിന്നുള്ള മഞ്ജു വാര്യരുടെ ചിത്രങ്ങൾ സമൂഹ മാധ്യമങ്ങളിൽ സജീവമായിരുന്നു.

ഇപ്പോൾ ഒരു വീഡിയോ ആണ് തരംഗമാകുന്നത്. തമ്പാനൂർ കെ എസ് ആർ ടി സി ബസ് സ്റ്റാൻഡിൽ കൂടി ഹെഡ്സെറ്റും വെച്ച് ഒരു പെൺകുട്ടി ഓടി വരികയാണ്. ഓടിവന്നു കെ എസ് ആർ ടി സി ബസിലേക്ക് ചാടി കയറുന്നുമുണ്ട്. ആദ്യം ഒന്ന് പകച്ചെങ്കിലും സൂക്ഷിച്ച് നോക്കിയപ്പോളാണ് ഇത് മഞ്ജു വാര്യർ ആണെന്ന് ജനങ്ങൾക്ക് മനസിലായത്. വളരെ ചുറുചുറുക്കോടെ ഓടിയെത്തുന്ന മഞ്ജു വാര്യരുടെ വീഡിയോ ആരാധകർ ഏറ്റെടുത്ത് കഴിഞ്ഞു.

Read More:‘ചതുർമുഖം’ ലുക്കിൽ മഞ്ജു വാര്യർ

ജിസ്ടോംസ് മൂവീസിന്റെ ബാനറില്‍ ജിസ്സ് ടോംസും ജസ്റ്റിന്‍ തോമസും ചേര്‍ന്നാണ് നിര്‍മ്മിക്കുന്നത്. ചിത്രത്തിന്റെ തിരക്കഥ ഒരുക്കുന്നത് അഭയകുമാര്‍ കെ, അനില്‍ കുര്യന്‍ എന്നിവര്‍ ചേര്‍ന്നാണ്. അഭിനന്ദ് രാമാനുജമാണ് ഛായാഗ്രഹണം.