പ്രായം തളർത്താത്ത ഡാൻസിങ് മുത്തശ്ശി; 91-ാം വയസിലെ റോക്കിങ് പ്രകടനത്തിന് കൈയടിച്ച് സൈബർ ലോകം
ഏറ്റവും സന്തോഷം ലഭിക്കുന്ന നിമിഷങ്ങളിൽ പ്രിയപ്പെട്ടവരുമൊത്ത് നൃത്തം ചെയ്യാറുണ്ട് മിക്കവരും..ഇപ്പോഴിതാ പ്രായത്തെ തോൽപ്പിച്ച് റോക്കിങ് ഡാൻസുമായി എത്തുന്ന ഒരു അമ്മൂമ്മയുടെ വീഡിയോയാണ് സമൂഹ മാധ്യമങ്ങളിൽ ഏറെ ശ്രദ്ധേയമാകുന്നത്. ന്യൂജനറേഷനിലെ കുട്ടികളെ വെല്ലുന്ന തരത്തിലാണ് 91-ാം വയസ്സിലെ ഈ അമ്മൂമ്മയുടെ പ്രകടനം.
അമേരിക്കയിലെ ഗോൾഡൻ ഏജ് ഹോം ഹെൽത്ത് കെയർ എന്ന സ്ഥാപനമാണ് ഈ വീഡിയോ പങ്കുവച്ചിരിക്കുന്നത്. ജനുവരി 15 ന് പങ്കുവച്ച ഈ വീഡിയോ ഇതിനോടകം എൺപതിനായിരത്തിലധികം ആളുകളാണ് കണ്ടിരിക്കുന്നത്.
സോഷ്യല്‍ മീഡിയയുടെ മനം കവരുന്ന ഈ അമ്മയ്ക്ക് ഇതോടെ നിരവധിയാണ് ആരാധകർ. സമൂഹ മാധ്യമങ്ങളിൽ പങ്കുവയ്ക്കപ്പെട്ട ഈ വീഡിയോ ഇതിനോടകം നിരവധിയാളുകൾ ഏറ്റെടുത്തുകഴിഞ്ഞു.. പ്രായം മറന്ന് നൃത്തച്ചുവടുകളുമായി എത്തിയ ഈ അമ്മയെ അഭിനന്ദിച്ച് നിരവധി ആളുകളും രംഗത്തെത്തി.
ഇത്തരത്തിൽ കൗതുകകരമായ ചിത്രങ്ങൾക്കും വീഡിയോകൾക്കും സോഷ്യൽ മീഡിയയിൽ ആരാധകർ ഏറെയാണ്.
