തിരക്കേറിയ നഗരത്തിലൂടെ ഹെല്‍മെറ്റ് ധരിച്ച് നായയുടെ ബൈക്ക് സവാരി: വൈറല്‍ വീഡിയോ
രസകരമായ വീഡിയോകളും ചിത്രങ്ങളുമൊക്കെ അതിവേഗം സമൂഹമാധ്യമങ്ങളില്‍ വൈറലാകാറുണ്ട് ഇക്കാലത്ത്. മനുഷ്യര്‍ മാത്രമല്ല മൃഗങ്ങളും പക്ഷികളുമൊക്കെ ഇത്തരത്തില്‍ സോഷ്യല്‍ മീഡിയയില്‍ താരാമാകാറുണ്ട്. ഇപ്പോഴിതാ ഒരു നായ ആണ് സമൂഹമാധ്യമങ്ങളില്‍ ശ്രദ്ധ നേടുന്നത്.
തിരക്കേറിയ നഗരത്തിലൂടെ ഉടമയ്ക്ക് പിന്നിലിരുന്ന് ബൈക്ക് യാത്ര ചെയ്യുകയാണ് ഈ നായ. വെറും യാത്രയല്ല, ഇരു ചക്ര വാഹനങ്ങളില്‍ സഞ്ചരിക്കുമ്പോള്‍ പിന്‍സീറ്റിലുള്ളവര്‍ സുരക്ഷയ്ക്ക് വേണ്ടി ഹെല്‍മെറ്റ് ധരിക്കണം എന്ന നിയമം പാലിച്ചുകൊണ്ടുള്ള യാത്ര തന്നെ. ഹെല്‍മെറ്റ് ധരിച്ചുകൊണ്ടാണ് നായയുടെ യാത്ര. മുന്‍കാലുകൊണ്ട് ഉടമയുടെ തോളത്തും പിടിച്ചിരിക്കുന്നു.
Read more: ജോജു ജോര്‍ജും കുഞ്ചാക്കോ ബോബനും പ്രധാന കഥാപാത്രങ്ങള്‍; പുതിയ ചിത്രവുമായി മാര്‍ട്ടിന്‍ പ്രക്കാട്ട്‌
എന്തായാലും ഹെല്‍മെറ്റ് ധരിച്ചുകൊണ്ടുള്ള നായയുടെ ഈ ബൈക്ക് സവാരി സമൂഹമാധ്യമങ്ങളില്‍ വൈറലായിക്കഴിഞ്ഞു. കാഴ്ചക്കാരില്‍ ആരോ പകര്‍ത്തിയതാണ് ഈ ദൃശ്യം. ചെന്നൈയിലെ വിരുഗമ്പാക്കത്തിലൂടെയായിരുന്നു നായയുടെ ഈ വൈറല്‍ സഞ്ചാരം.
