‘സത്യമായിട്ടും ഞാൻ ഗുണ്ടയല്ല ചേട്ടാ’- ആരാധകന് മണിക്കുട്ടൻ നൽകിയ മറുപടി

മലയാള സിനിമയിൽ മണിക്കുട്ടൻ അറിയപ്പെടുന്നത് കായംകുളം കൊച്ചുണ്ണി എന്ന പേരിലാണ്. ടെലിവിഷനിൽ അവതരിപ്പിച്ച കായംകുളം കൊച്ചുണ്ണി തന്നെയാണ് അന്നും ഇന്നും മണിക്കുട്ടന്റെ ശ്രദ്ധേയ വേഷം.

2019 ൽ രണ്ടു ശ്രദ്ധേയ വേഷങ്ങളാണ് മണിക്കുട്ടൻ അവതരിപ്പിച്ചത്. മാമാങ്കത്തിലും തൃശ്ശൂർപൂരത്തിലും. രണ്ടും നല്ല ഗംഭീര പ്രകടനങ്ങൾ നിറഞ്ഞ കഥാപാത്രങ്ങളുമായിരുന്നു. ഇതിനു പിന്നാലെ സമൂഹ മാധ്യമങ്ങളിൽ പ്രത്യക്ഷപ്പെട്ട ഒരു കുറിപ്പിന് മണിക്കുട്ടൻ നൽകിയ മറുപടിയാണ് ഇപ്പോൾ ചർച്ചയാകുന്നത്.

ഷിയാസ് മിർസ ആണ് സമൂഹ മാധ്യമങ്ങളിൽ മണിക്കുട്ടനെക്കുറിച്ച് എഴുതിയത്. തൃശ്ശൂർപൂരത്തിൽ ഗുണ്ടയായി തകർത്താടിയ മണിക്കുട്ടൻ ഇനി യഥാർത്ഥത്തിൽ ഗുണ്ടയാണോ എന്നാണ് ആരാധകൻ സംശയിച്ചത്. അത്ര മികച്ച് തന്നെയാണ് മണിക്കുട്ടൻ വേഷമവതരിപ്പിച്ചത്. മണിക്കുട്ടൻ ഇതിനാണ് മറുപടി നൽകിയത്.

മണിക്കുട്ടന്റെ ഫേസ്ബുക്ക് പോസ്റ്റ്;

സത്യമായിട്ടും ഞാനൊരു ഗുണ്ടയല്ല ചേട്ടാ..

കുട്ടിക്കാലം മുതൽ കണ്ടും കേട്ടും കടന്നുപോയ എല്ലാ അനുഭവങ്ങളെയും പ്രാർത്ഥനയുടെയും 100% ആത്മാർത്ഥതയോടു കൂടിയും മാത്രമേ സമീപിച്ചിട്ടുള്ളു.

ഓരോ കഥാപാത്രത്തിനു വേണ്ടിയും നമ്മൾ ഇടുന്ന effortനു ലഭിക്കുന്ന പ്രതിഫലമായി ഈ പോസ്റ്റിനെ കാണുന്നു.

ഒരിക്കല്‍ കൂടി എടുത്തു പറയട്ടേ ഞാന്‍ ഒരു ഗുണ്ടയല്ല..

ഷിയാസിന്റെ കുറിപ്പും മണിക്കുട്ടൻ ഒപ്പം നൽകിയിട്ടുണ്ട്.