കുഞ്ഞ് ഒർഹാനൊപ്പം ചുറ്റിനടന്ന് സൗബിൻ; ചിത്രങ്ങൾ കാണാം
മലയാള സിനിമയ്ക്ക് പകരം വയ്ക്കാനില്ലാത്ത നടനാണ് സൗബിൻ സാഹിർ. കഥാപാത്രങ്ങൾ ചെറുതോ വലുതോ.. നായകനോ വില്ലനോ.. കോമഡിയോ സീരിയസോ എന്തുതന്നെയായാലും തിരഞ്ഞെടുക്കുന്ന കഥാപാത്രത്തെ അതിന്റെ പൂർണതയിൽ എത്തിക്കാൻ സൗബിൻ സാഹിർ എന്ന നടന് സാധിക്കുമെന്നത് തീർച്ച.
അടുത്തിടെയാണ് സൗബിന്റെ വീട്ടിലേക്ക് ഒരു കുഞ്ഞഥിതി കൂടിയെത്തിയത്‌. തന്റെ കുഞ്ഞിനും ഭാര്യക്കുമുള്ള ഫോട്ടോകള്‍ താരം സോഷ്യല്‍ മീഡിയയിൽ പങ്കുവയ്ക്കാറുണ്ട്. ഒർഹാൻ എന്നാണ് കുഞ്ഞിന് പേരിട്ടിരിക്കുന്നത്. ഇപ്പോഴിതാ കുഞ്ഞിനൊപ്പമുള്ള താരത്തിന്റെ ചിത്രങ്ങളാണ് സമൂഹ മാധ്യമങ്ങളിൽ തരംഗമാകുന്നത്.
നടനായും സംവിധായകനായുമൊക്കെ മലയാള സിനിമയിലെ തിരക്കുള്ള നടനായി മാറിയ താരമാണ് സൗബിൻ. സൗബിൻ ആദ്യമായി സംവിധാനം ചെയ്ത ചിത്രം ‘പറവ’യാണ്. ചിത്രം വന്‍ വിജയമായിരുന്നു.
ആൻഡ്രോയിഡ് കുഞ്ഞപ്പൻ വേർഷൻ 5.25 ആണ് സൗബിന്റെതായി പുറത്തിറങ്ങിയ അവസാന ചിത്രം. മികച്ച പ്രതികരണങ്ങളാണ് ചിത്രത്തിന് ലഭിച്ചുകൊണ്ടിരിക്കുന്നത്. ജൂതന്‍, ഞാൻ ഗന്ധർവനല്ല തുടങ്ങിയ ചിത്രങ്ങളാണ് ഇനി താരത്തിന്റേതായി അണിയറയിൽ ഒരുങ്ങികൊണ്ടിരിക്കുന്നത്.
