ഇതാ മലയാളികളുടെ പ്രിയതാരങ്ങൾ ഇവിടെ; ശ്രദ്ധനേടി ലൊക്കേഷൻ ചിത്രങ്ങൾ
മലയാളികളുടെ പ്രിയപ്പെട്ട താരങ്ങൾ സുരേഷ് ഗോപിയും ശോഭനയും വർഷങ്ങൾക്ക് ശേഷം വെള്ളിത്തിരയിൽ എത്തുന്നു, ദുൽഖർ സൽമാൻ നിർമ്മാതാവാകുന്ന ചിത്രം, ദുൽഖറിന്റെ നായികയായി കല്യാണി പ്രിയദർശൻ എത്തുന്നു, സത്യൻ അന്തിക്കാടിന്റെ മകൻ അനൂപ് സത്യൻ ആദ്യമായി സംവിധാനം ചെയ്യുന്ന ചിത്രം.. ഇങ്ങനെ പോകുന്നു വരനെ ആവശ്യമുണ്ട് എന്ന ചിത്രത്തെ ആരാധകർ കാത്തിരിക്കാനുള്ള കാരണങ്ങൾ. ഒരുപാട് സർപ്രൈസുകൾ ഒരുക്കിയ ചിത്രത്തിന്റെ ലൊക്കേഷൻ ചിത്രങ്ങളാണ് ഇപ്പോൾ ശ്രദ്ധ നേടുന്നത്.
ദുല്‍ഖര്‍ സല്‍മാന്‍ ആണ് ചിത്രത്തിലെ കേന്ദ്രകഥാപാത്രം. അനൂപ് സത്യന്റെ ആദ്യ സംവിധാന സംരംഭമാണ് ഈ ചിത്രം. അതേസമയം ദുല്‍ഖര്‍ സല്‍മാന്‍ നിര്‍മിക്കുന്ന മൂന്നാമത്തെ ചിത്രവുമാണിത്. ദുല്‍ഖറിന്റെ പ്രൊഡക്ഷന്‍ കമ്പനിയായ വേഫെയ്‌റര്‍ ഫിലിംസും എം സ്റ്റാര്‍ ഫിലിംസും ചേര്‍ന്നാണ് ചിത്രത്തിന്റെ നിര്‍മാണം. അനൂപ് സത്യന്‍ തന്നെയാണ് ചിത്രത്തിന് തിരക്കഥ ഒരുക്കിയിരിക്കുന്നതും. ഹ്യൂമറിന് പ്രാധന്യം നല്‍കിക്കൊണ്ട് ഒരുക്കുന്ന കുടുംബ ചിത്രമാണ് ഇതെന്നാണ് സൂചന.
‘ഒട്ടേറെ പ്രത്യേകതയുള്ള ഒരു ചിത്രത്തിന്റെ ഏറെ സ്‌പെഷ്യലായ ഒരു പോസ്റ്റര്‍ പങ്കുവെച്ചുകൊണ്ട് ഈ ദശാബ്ദത്തിലേക്ക് കടക്കുകയാണ്. വരനെ ആവശ്യമുണ്ട് എന്ന ഈ ചിത്രം മലയാള സിനിമയിലെ രണ്ട് തലമുറകളുടെ സംഗമം കൂടിയാണ്.’ ചിത്രത്തിന്റെ ടൈറ്റില്‍ പോസ്റ്റര്‍ പങ്കുവെച്ചുകൊണ്ട് ദുല്‍ഖര്‍ നേരത്തെ ഫേസ്ബുക്കില്‍ കുറിച്ചു.
