‘പത്മരാജന് ശേഷം മലയാളം കണ്ട ഏറ്റവും മികച്ച തിരക്കഥാകൃത്ത്’- ശ്യാം പുഷ്കരനെ അഭിനന്ദിച്ച് ഭദ്രൻ
മലയാള സിനിമയിൽ വേറിട്ടൊരു ഇടം സ്വന്തമാക്കിയ തിരക്കഥാകൃത്താണ് ശ്യാം പുഷ്കരൻ. ‘മഹേഷിന്റെ പ്രതികാര’വും ‘കുമ്പളങ്ങി നൈറ്റ്‌സും’ ശ്യാം പുഷ്കരന്റെ പ്രതിഭ വ്യക്തമാക്കിയ ചിത്രങ്ങളാണ്. ഇപ്പോൾ ശ്യാം പുഷ്കരനെ അഭിനന്ദിച്ച് രംഗത്ത് എത്തിയിരിക്കുകയാണ് സംവിധായകൻ ഭദ്രൻ.
സി പി സി അവാർഡ് വേദിയിൽ ആണ് ശ്യാമിനെ ഭദ്രൻ അഭിനന്ദിച്ചത്. സിനിമ പ്രേമികൾ സംഘടിപ്പിച്ച പുരസ്‌കാര വേദിയിൽ കഴിഞ്ഞ വർഷത്തെ മികച്ച തിരക്കഥാകൃത്തിനുള്ള പുരസ്കാരം ശ്യാമാണ് സ്വന്തമാക്കിയത്.
Read More:യാത്രകള്‍ ഇഷ്ടപ്പെടുന്നവര്‍ക്കായ് തലയെടുപ്പോടെ ജടായു പാറ
പത്മരാജന് ശേഷം മലയാളം കണ്ട ഏറ്റവും മികച്ച തിരക്കഥാകൃത്താണ് ശ്യാം പുഷ്കരൻ എന്നാണ് ഭദ്രൻ വിശേഷിപ്പിച്ചത്. മലയാള സിനിമയിലെ യുവ തിരക്കഥാകൃത്തുക്കളിൽ ശ്രദ്ധേയനാണ് ശ്യാം. മികച്ച തിരക്കഥാകൃത്തിനുള്ള ദേശീയ പുരസ്കാരവുംശ്യാം സ്വന്തമാക്കിയിട്ടുണ്ട്. ദിലീഷ് നായരുമായി ചേർന്ന് 2011ൽ ചെയ്ത ‘സോൾട്ട് ആൻഡ് പെപ്പെർ’ ആണ് ശ്യാം പുഷ്കരന്റെ ആദ്യ ചിത്രം.
