എ പി ജെ അബ്‌ദുൾ കലാമിന്റെ ജീവിതം സിനിമയാകുന്നു
February 10, 2020
ഇന്ത്യയുടെ മിസൈൽമാൻ എന്നറിയപ്പെടുന്ന മുൻ രാഷ്‌ട്രപതി എ പി ജെ അബ്‌ദുൾ കലാമിന്റെ ജീവിതം വെള്ളിത്തിരയിലേക്ക്. മധുർ ഭണ്ഡാർക്കർ ആണ് ചിത്രം സംവിധാനം ചെയ്യുന്നത്. ‘എ പി ജെ അബ്‌ദുൾ കലാം; ദി മിസൈൽ മാൻ’ എന്നാണ് ചിത്രത്തിന്റെ പേര്.
പരേഷ് റാവൽ ആണ് അബ്‌ദുൾ കലാമിന്റെ വേഷത്തിൽ എത്തുന്നത്. കേന്ദ്ര വാർത്താവിതരണ വകുപ്പ് മന്ത്രി പ്രകാശ് ജാവേദ്കർ ആണ് ചിത്രത്തിന്റെ ഫസ്റ്റ് ലുക്ക് പോസ്റ്റർ പ്രകാശിപ്പിച്ചത്.
മറ്റ് അഭിനേതാക്കൾ ആരാണെന്ന് വ്യക്തമായിട്ടില്ല. കഠിനാധ്വാനം ചെയ്ത് ഉയരങ്ങളിലേക്ക് പറന്ന ഒരു മനുഷ്യന്റെ കഥ എന്നാണ് പോസ്റ്റർ പ്രകാശന വേളയിൽ പ്രകാശ് ജാവേദ്കർ പറഞ്ഞത്.
