‘കൈദി’ ബോളിവുഡിലേക്ക്
കാർത്തി നായകനായെത്തി ഗംഭീര വിജയം നേടിയ ചിത്രമാണ് ‘കൈദി’. ഒറ്റ രാത്രിയിൽ നടക്കുന്ന സംഭവങ്ങളാണ് സിനിമയുടെ പ്രമേയമായത്. ഇപ്പോൾ ‘കൈദി’ ഹിന്ദിയിലേക്ക് റീമേക്കിന് ഒരുങ്ങുകയാണ്.
റിയലന്‍സ് എന്റര്‍ടെയിന്‍മെന്റ് ഡ്രീം വാരിയര്‍ പിക്ചേഴ്സുമായി ചേര്‍ന്നാണ് ‘കൈദി’യുടെ ഹിന്ദി റീമേക്ക് നിര്‍മ്മിക്കുന്നത്. ‘കൈദി’ ബോളിവുഡിലേക്ക് എന്ന പ്രഖ്യാപനം മാത്രമേ നിലവിലുള്ളു. അഭിനേതാക്കളുടെ വിവരങ്ങൾ വ്യക്തമല്ല. എന്നാൽ അണിയറ പ്രവർത്തകർ അജയ് ദേവ്ഗണിനെ കാർത്തിയുടെ വേഷത്തിലേക്കായി സമീപിച്ചിരുന്നു എന്ന റിപ്പോർട്ടുകൾ ഉണ്ട്.
Read More:പ്രദർശനത്തിനൊരുങ്ങി ‘വരനെ ആവശ്യമുണ്ട്’; ആവേശത്തിൽ ആരാധകർ
100 കോടി ക്ലബ്ബിൽ കയറിയ ചിത്രം കാർത്തിയുടെ കരിയറിലെ തന്നെ ഏറ്റവും വലിയ ഹിറ്റ് ആണ്. മലയാളി താരം നരേനും ശ്രദ്ധേയ വേഷത്തിൽ ‘കൈദി’യിൽ ഉണ്ട്. ഹരീഷ് പേരടി, രമണ, ദീന ജോര്‍ജ്ജ്, മറിയം,ഹരീഷ് ഉത്തമന്‍, അംസദ്, അര്‍ജ്ജുന്‍ ദാസ് എന്നിവരാണ് ചിത്രത്തിലെ മറ്റ് താരങ്ങള്‍. ‘കൈദി’ക്ക് രണ്ടാം ഭാഗം ഒരുക്കുമെന്ന് ചിത്രത്തിന്റെ വിജയത്തിന് പിന്നാലെ സംവിധായകൻ പ്രഖ്യാപിച്ചിരുന്നു.
