മീഡിയ കപ്പ് ക്രിക്കറ്റ് കിരീടം സ്വന്തമാക്കി ഫ്‌ളവേഴ്‌സ് ടി വി ടീം
എറണാകുളം പ്രസ് ക്ലബ്ബും തേവര സേക്രട്ട് ഹാർട്ട് കോളേജും സംയുക്തമായി നടത്തിയ മീഡിയ കപ്പ് ക്രിക്കറ്റ് ടൂർണമെന്റിൽ കിരീടം സ്വന്തമാക്കി ഫ്‌ളവേഴ്‌സ് ടി വി ടീം.
കേരളത്തിലെ വിവിധ മാധ്യമ സ്ഥാപനങ്ങൾ പങ്കെടുത്ത മത്സരത്തിൽ മനോരമ ടീമിനെ ഫൈനലിൽ നേരിട്ടാണ് ഫ്‌ളവേഴ്‌സ് ടീം കിരീടം സ്വന്തമാക്കിയത്. ഫ്‌ളവേഴ്‌സ് ടീമംഗം രഞ്ജിത് ലാലാണ് മാൻ ഓഫ് ദി മാച്ച്.
ഗോപൻ, ഫസൽ, വിമൽ, ദിലീപ്, ശ്രീരാഗ്, അരുൺ, രഞ്ജിത് , വിഷ്ണു, സജിൻ, വർഗീസ്, ശ്രീരാജ്, ശ്യാം എന്നിവരാണ് ഫ്‌ളവേഴ്‌സ് ടി വി ടീമംഗങ്ങൾ.
സംസ്ഥാനത്തെ വിവിധ മാധ്യമ സ്ഥാപനങ്ങളിൽ നിന്നും 16 ടീമാണ് മത്സരത്തിൽ പങ്കെടുത്തത്. 50000 രൂപയും ട്രോഫിയുമാണ് വിജയികളായ ഫ്‌ളവേഴ്‌സ് സ്വന്തമാക്കിയത്. രണ്ടാം സ്ഥാനം നേടിയ മനോരമയ്ക്ക് 30000 രൂപയുടെ ക്യാഷ് പ്രൈസ് ലഭിച്ചു. എസ് എച്ച് കോളേജ് തേവരയുടെ ഒരു വർഷം നീണ്ടു നിന്ന പ്ലാറ്റിനം ജൂബിലി ആഘോഷങ്ങളുടെയും പ്രസ് ക്ലബ്ബിന്റെ സുവർണ ജൂബിലിയുടെയും ഭാഗമായാണ് മത്സരം നടന്നത്.
