നിങ്ങൾക്ക് മുഖ്യമന്ത്രിയാവണോ? അവസരമൊരുക്കി മമ്മൂട്ടിയുടെ ‘വൺ’
മമ്മൂട്ടി മുഖ്യമന്ത്രിയായി എത്തുന്ന ചിത്രമാണ് ‘വൺ’. കടയ്ക്കൽ ചന്ദ്രൻ എന്ന കഥാപാത്രമായി മമ്മൂട്ടിയെത്തുന്നതും കാത്ത് ആരാധകരും ആവേശത്തിലാണ്. ഇപ്പോൾ സാധാരണക്കാർക്കും മുഖ്യമന്ത്രിയാകാനുള്ള അവസരമൊരുക്കിയിരിക്കുകയാണ് ചിത്രത്തിന്റെ അണിയറ പ്രവർത്തകർ.
നിങ്ങൾ മുഖ്യമന്ത്രിയായാൽ നടപ്പിലാക്കാൻ ഉദ്ദേശിക്കുന്ന ഒരു പദ്ധതി പങ്കുവയ്ക്കാനാണ് വൺ സിനിമയുടെ അണിയറ പ്രവർത്തകർ പറയുന്നത്. ഇതിൽ നിന്നും തിരഞ്ഞെടുക്കപ്പെടുന്ന 5 പേർക്ക് ‘വൺ’ സിനിമയുടെ ഓഡിയോ ലോഞ്ചിൽ വിശിഷ്ടാതിഥികളായി പങ്കെടുക്കാനുള്ള അവസരമാണ് ഒരുക്കിയിരിക്കുന്നത്.
Read More:28 വർഷങ്ങൾക്ക് ശേഷം എ ആർ റഹ്‌മാൻ മലയാളത്തിലേക്ക്; തിരിച്ചുവരവിന് പാതയൊരുക്കി ‘ആടുജീവിതം’
മലയാളത്തിന് നിരവധി മികച്ച ചിത്രങ്ങൾ സമ്മാനിച്ച ബോബി സഞ്ജയ് കൂട്ടുകെട്ടിൽ വിരിയുന്ന പുതിയ ചിത്രം സംവിധാനം ചെയ്യുന്നത് സന്തോഷ് വിശ്വനാഥാണ്. നിരവധി പ്രമുഖതാരനിരകൾ അണിനിരക്കുന്ന ചിത്രം ഇച്ചായിസ് പ്രൊഡക്ഷന്റെ ബാനറാണ് നിർമിക്കുന്നത്.
