കരുതലുമായി ട്വന്റിഫോര്‍ ന്യൂസും: കൊവിഡ്-19; സംശയങ്ങൾക്കും ആശങ്കകൾക്കും വിളിക്കേണ്ട നമ്പർ…
ലോകം മുഴുവൻ കൊറോണ ഭീതിയിലാണ്. അതേസമയം കൊറോണ വൈറസുമായി ബന്ധപ്പെട്ട് നിരവധി വ്യാജ വാർത്തകളും സന്ദേശങ്ങളും പ്രചരിപ്പിക്കപ്പെടുന്നുണ്ട്. എന്നാൽ കൊറോണ വൈറസുമായി ബന്ധപ്പെട്ട് എന്ത് സംശയങ്ങൾ ഉണ്ടായാലും വിളിക്കാൻ ഹെൽപ് ലൈന്‍ നമ്പർ പുറത്തുവിട്ടിരിക്കുകയാണ് ട്വന്റിഫോര്‍ ന്യൂസ് ചാനൽ.
6235968942, 4842830530, 9207078635 എന്നിങ്ങനെയാണ് ട്വന്റിഫോര്‍ ന്യൂസിന്റെ ഹെല്പ് ലൈൻ നമ്പർ. 24 മണിക്കൂറും ഹെല്പ് ലൈന്‍ സേവനം ലഭ്യമാണ്. കൊവിഡ് 19 -മായി ബന്ധപ്പെട്ടുള്ള ആശങ്കകൾ, സംശയങ്ങള്‍, പ്രതിരോധ മാര്‍ഗങ്ങള്‍, സ്വീകരിക്കേണ്ട മുന്‍കരുതലുകള്‍, രോഗ വ്യാപനത്തിന്റെ രീതി തുടങ്ങിയവയുമായി ബന്ധപ്പെട്ടുള്ള വിശദവിവരങ്ങൾ ഇവിടെ നിന്നും ലഭ്യമാകും.
കൊവിഡ് 19 -മായി ബന്ധപ്പെട്ടുള്ള വ്യാജവാർത്തകൾ നിങ്ങളുടെ ശ്രദ്ധയിൽപ്പെട്ടാൽ അത് ഹെല്പ് ലൈന്‍ ടീമിനെ അറിയിക്കാം. ഇത്തരം വാർത്തകൾ പ്രചരിപ്പിക്കുന്നതിനെതിരെ കർശനമായ നിയമനടപടികളും എടുക്കുന്നതാണ്. അതോടൊപ്പം ഓരോ ജില്ലകളിലെയും സർക്കാർ ഹെൽപ് ലൈൻ നമ്പറുകളും, സേവനങ്ങൾ സംബന്ധിച്ചുള്ള വിശദവിവരങ്ങളും ഇവിടെ നിന്നും ലഭ്യമാകും.
