ലോക്ക് ഡൗണിന് ആവശ്യമായ തയ്യാറെടുപ്പുകൾ നടത്താൻ സായുധസേനയോട് പ്രതിരോധ മന്ത്രിയുടെ ആഹ്വാനം

രാജ്യത്ത് പ്രഖ്യാപിച്ച 21 ദിവസത്തെ ലോക്ക് ഡൗണിന് ജനങ്ങൾക്ക് ഉപകാരപ്രദമാകുന്ന സഹായങ്ങൾക്കായി സായുധസേനയോട് തയ്യാറെടുക്കാൻ പ്രതിരോധ മന്ത്രി രാജ്‌നാഥ്‌ സിംഗ് ആഹ്വാനം ചെയ്തു. പ്രതിരോധ മന്ത്രാലയത്തിലെ ഉദ്യോഗസ്ഥരുമായി നടത്തിയ അവലോകന യോഗത്തിലായിരുന്നു മന്ത്രിയുടെ നിര്‍ദേശം.

കൊവിഡ്-19 ബാധിച്ച രാജ്യങ്ങളിൽ നിന്നും ഇന്ത്യക്കാരെയും മറ്റ് വിദേശികളെയും സ്വന്തം നാട്ടിൽ എത്തിക്കാൻ സായുധ സേന നടത്തിയ പ്രവർത്തനങ്ങൾ പ്രതിരോധ മന്ത്രി അഭിനന്ദിച്ചു.

വകുപ്പ് തല മേധാവികൾ പ്രതിരോധ പ്രവർത്തനങ്ങളിൽ തങ്ങളുടെ വകുപ്പ് നടത്തുന്ന പ്രവർത്തനങ്ങൾ മന്ത്രിക്ക് വിശദീകരിച്ചു. അതേസമയം, രാജ്യത്ത് കൊറോണ വൈറസ് വ്യാപനം ശക്തമാകുകയാണ്. മരണ നിരക്കും ഉയർന്നിട്ടുണ്ട്.

Defence Minister Rajnath Singh reviews action plan for coronavirus