ഈ പാട്ടുകേട്ടതിന് ശേഷം നിങ്ങൾ ആദ്യം തിരയുക പത്താം ക്ലാസ് ഓട്ടോഗ്രാഫ് ആയിരിക്കും; സ്‌കൂൾ ഓർമകളുണർത്തി ‘കുഞ്ഞെൽദോ’യിലെ ഫെയർവെൽ ഗാനം
നടനും അവതാരകനും ആർ ജെയുമായ മാത്തുക്കുട്ടി ആദ്യമായി സംവിധാനം നിർവഹിക്കുന്ന ചിത്രമാണ് ‘കുഞ്ഞെൽദോ’. ആസിഫ് അലി കൗമാരക്കാരനായി എത്തുന്ന ചിത്രത്തിൽ നിന്നുള്ള ഫെയർവെൽ ഗാനമെത്തി.
സ്‌കൂൾ ഓർമ്മകൾ നിറച്ചാണ് ‘ഇടനാഴിയിൽ ഓടിക്കയറണ ചെറുകാറ്റ്..’ എന്ന് തുടങ്ങുന്ന ഗാനം ഒരുക്കിയിരിക്കുന്നത്. ഫെയർവെൽ ആഘോഷങ്ങളും ഓട്ടോഗ്രാഫ് എഴുത്തും പറയാത്ത പ്രണയവുമൊക്കെ പാട്ടിൽ അതിമനോഹരമായി ആവിഷ്കരിച്ചിരിക്കുന്നു.
കുഞ്ഞെൽദോ’യുടെ ക്രിയേറ്റീവ് ഡയറക്ടറായി വിനീത് ശ്രീനിവാസന്‍ എത്തുന്നു. ചിത്രത്തിന് ഛായാഗ്രഹണം നിര്‍വഹിക്കുന്നത് സ്വരൂപ് ഫിലിപ് ആണ്. ലിറ്റില്‍ ബിഗ് ഫിലിംസിന്റെ ബാനറിലാണ് ചിത്രത്തിന്റെ നിര്‍മ്മാണം. സുവിന്‍ കെ വര്‍ക്കിയും പ്രശോഭ് കൃഷ്ണയും ചേര്‍ന്നാണ് ചിത്രത്തിന്റെ നിര്‍മ്മാണം. ഷാന്‍ റഹ്മാനാണ് ചിത്രത്തിന്റെ സംഗീത സംവിധാനം നിര്‍വഹിക്കുന്നത്. ‘കുഞ്ഞെല്‍ദോ’ എന്ന സിനിമയുടെ രചനയും മാത്തുക്കുട്ടി തന്നെയാണ് നിര്‍വഹിച്ചിരിക്കുന്നത്.
Read More:പത്തനംതിട്ടയിൽ 5 പേർക്ക് കൊറോണ സ്ഥിരീകരിച്ചു
ആസിഫ് അലിക്കൊപ്പം പുതുമുഖം ഗോപിക ഉദയന്‍ ആണ് നായികയായി എത്തുന്നത്. ഇരുവർക്കും പുറമെ നിരവധി താരങ്ങളും ചിത്രത്തിൽ അണിനിരക്കുന്നുണ്ട്.
