‘ഹൃദയസഖീ അരികില്‍ വരൂ…’ എന്ന് അപ്പാപ്പന്‍; അടുക്കാതെ അമ്മാമ്മ: പ്രായത്തെ വെല്ലും ഈ ടിക്-ടോക്ക് പ്രകടനം
മനോഹരങ്ങളായ ടിക് ടോക്ക് വീഡിയോകള്‍ പ്രേക്ഷകര്‍ക്ക് ഇടയില്‍ സ്ഥാനം പിടിച്ചിട്ട് കാലം കുറച്ചേറെയായി. മനോഹരവും രസകരവുമായ നിരവധി ടിക് ടോക്ക് വീഡിയോകള്‍ ദിനംപ്രതി പ്രത്യക്ഷപ്പെടാറുമുണ്ട്. പ്രായത്തെ വെല്ലുന്ന പലതരം പ്രകടനങ്ങള്‍ക്കും ടിക് ടോക്കില്‍ ആരാധകരും ഏറെയാണ്. ഇപ്പോഴിതാ സമൂഹമാധ്യമങ്ങളില്‍ താരമായിരിക്കുകയാണ് ഒരു അപ്പാപ്പനും അമ്മാമ്മയും.
ഹൃദയസഖീ അരികില്‍ വരൂ… എന്ന സുന്ദരഗാനത്തിന് തകര്‍ത്ത് അഭിനയിക്കുകയാണ് അപ്പാപ്പന്‍. അടുക്കളയാണ് പശ്ചാത്തലം. അമ്മാമ്മയാകട്ടെ പാചകം ചെയ്യുന്ന തിരക്കിലും. വീഡിയോയ്ക്ക് അവസാനം അപ്പാപ്പനെ ഓടിക്കുകയാണ് അമ്മാമ്മ. എന്തായാലും സമൂഹമാധ്യമങ്ങളില്‍ വൈറലായിക്കഴിഞ്ഞു ഈ ടിക് ടോക്ക് വീഡിയോ.
കുറഞ്ഞ കാലയളവുകൊണ്ട് തന്നെ ഏറെ ജനപ്രീതി ആര്‍ജ്ജിച്ച വീഡിയോ ആപ്ലിക്കേഷനാണ് ടിക് ടോക്ക്. സമൂഹത്തിന്റെ എല്ലാ മേഖലകളിലും എല്ലാ പ്രായക്കാരിലും ടിക് ടോക്ക് വളരെ വേഗത്തില്‍ ഇടം നേടി. കുട്ടികളുടെയും പ്രായമായവരുടെയും യുവക്കളുടെയുമെല്ലാം ക്രീയാത്മകമായ കഴിവുകള്‍ പലതും ടിക് ടോക്കിലൂടെ ജനശ്രദ്ധ ആകര്‍ഷിക്കുന്നു. ചൈനീസ് ഇന്റര്‍നെറ്റ് സര്‍വ്വീസസ് കമ്പനിയായ ബൈറ്റ് ഡാന്‍സാണ് ടിക് ടോക് വീഡിയോ ആപ്ലിക്കേഷനു പിന്നില്‍. 2016-ല്‍ ഡൗയിന്‍ എന്ന പേരിലായിരുന്നു ഈ വീഡിയോ ആപ്ലിക്കേഷന്റെ പിറവി. എന്നാല്‍ ആപ്ലിക്കേഷന്‍ ചൈനയ്ക്ക് പുറത്തേക്ക് വ്യാപകമായി പ്രചരിക്കപ്പെട്ടപ്പോള്‍ ആപ്ലിക്കേഷന്റെ പേര് ടിക് ടോക്ക് എന്നായി.
