ലോക്ക് ഡൗണ്‍കാലത്ത്‌ പാപ്പാനൊപ്പം ഫുട്‌ബോള്‍ കളിക്കുന്ന ആന: വൈറല്‍ വീഡിയോ
പ്രായോഗിക ബുദ്ധിയുടെ കാര്യത്തില്‍ പലപ്പോഴും മനുഷ്യരെ വെല്ലാറുണ്ട് ചില മൃഗങ്ങള്‍. പ്രത്യേകിച്ച് ആനകള്‍. തലയെടുപ്പോടെ നില്‍ക്കുന്ന ഗജരാജവീരന്മാര്‍ക്ക് ആരാധകരും ഏറെയാണ്. ആനപ്രേമികള്‍ ധാരാളമുള്ളതുകൊണ്ടുതന്നെ ആനക്കഥകള്‍ക്കും പഞ്ഞമില്ല. സമൂഹമാധ്യമങ്ങളില്‍ പലപ്പോഴും രസകരമായ ആനക്കഥകള്‍ ഇടം നേടാറുണ്ട്.
പ്രായോഗിക ബുദ്ധിയുടെ കാര്യത്തില്‍ മുന്നിലായതുകൊണ്ടുതന്നെ മുന്നിലുള്ള പ്രതിസന്ധികളെ എങ്ങനെ തരണം ചെയ്യണമെന്നും ആനകള്‍ക്ക് അറിയാം. റോഡ് മുറിച്ച് കടക്കാന്‍ വൈദ്യുത വേലി മറികടന്ന ആനയും മാങ്ങ പറിക്കാന്‍ മതില്‍ക്കെട്ട് ചാടിക്കടന്ന ആനയുമെല്ലാം അടുത്തകാലത്ത് സമൂഹമാധ്യമങ്ങളില്‍ ശ്രദ്ധ നേടിയിരുന്നു.
Read more: മരുഭൂമിയില്‍ അണയാത്ത തീയുമായി ഒരു ഗര്‍ത്തം; കേട്ടിട്ടുണ്ടോ ‘മരണത്തിലേയ്ക്കുള്ള വാതില്‍’ എന്ന്
ഇപ്പോഴിതാ ലോക്ക് ഡൗണ്‍ കാലത്തും ശ്രദ്ധ നേടുകയാണ് ഒരു ആന. പാപ്പാനോടൊപ്പം ഫുട്‌ബോള്‍ കളിക്കുന്ന ആനയുടെ വീഡിയോ ഇതിനോടകംതന്നെ സോഷ്യല്‍മീഡിയയില്‍ വൈറലായിക്കഴിഞ്ഞു. പാപ്പാനും ആനയും പരസ്പരം പന്ത് തട്ടിക്കളിക്കുന്നതാണ് വീഡിയോയില്‍. ‘പൂരങ്ങളും ആഘോഷങ്ങളും ഒന്നും ഇല്ല ചുമ്മാ ഇരുന്ന് നേരം പോകേണ്ടെ’ എന്ന അടിക്കുറിപ്പോടെയാണ് വീഡിയോ സമൂഹമാധ്യമങ്ങളില്‍ പ്രചരിക്കുന്നത്.
