കൊവിഡ് വ്യാപനത്തെപ്പറ്റി പഠിക്കാൻ പരിശോധന- പട്ടികയിൽ എറണാകുളം, പാലക്കാട്, തൃശ്ശൂർ ജില്ലകൾ
കൊവിഡ് വ്യാപനത്തിന്റെ പശ്ചാത്തലത്തിൽ ഇന്ത്യന്‍ കൗണ്‍സില്‍ ഓഫ്‌ മെഡിക്കല്‍ റിസര്‍ച്ച് നടത്തുന്ന പഠനത്തിൽ ഭാഗമാകാൻ എറണാകുളം, പാലക്കാട്, തൃശ്ശൂർ ജില്ലകളും. ജനസംഖ്യ അടിസ്ഥാനത്തിൽ പഠനം നടത്താനായി രാജ്യത്തെ 69 ജില്ലകളാണ് തിരഞ്ഞെടുത്തത്. കേരളത്തിൽ നിന്നും ഈ മൂന്നു ജില്ലകളാണുള്ളത്.
ആരോഗ്യ കുടുംബക്ഷേമ മന്ത്രാലയത്തിന്റെയും സംസ്ഥാന ആരോഗ്യ വകുപ്പുകളുടെയും സഹകരണത്തോടെയാണ്‌ പഠനം. 21 സംസ്ഥാനങ്ങളിലെ 69 ജില്ലകളിൽ നിന്നും 24000 ആളുകളുടെ രക്ത സാമ്പിൾ എടുത്താണ് പരിശോധന.
Read More:ആത്മനിർഭർ അഭിയാൻ: 15 ഇന പദ്ധതികൾ പ്രഖ്യാപിച്ച് ധനമന്ത്രി
പൂനയിലെ നാഷനല്‍ ഇന്‍സ്റ്റിറ്റ്യൂട്ട്‌ ഓഫ്‌ വൈറോളജി തയാറാക്കിയ എലിസ ആന്റിബോഡി കിറ്റ്‌ ഉപയോഗിച്ചാണ് പരിശോധന നടക്കുക. തമിഴ് നാട്ടിൽ നിന്നും കർണാടകയിൽ നിന്നും മൂന്നു ജില്ലകൾ വീതമാണ് പരിശോധനക്കായി തിരഞ്ഞെടുത്തിരിക്കുന്നത്.
Story highlights-69 district’s selected for covid 19 survey
