കുട്ടികൊമ്പന്മാരോട് മല്ലടിച്ച് ആഫ്രിക്കൻ പക്ഷി; കൗതുക വീഡിയോ
പക്ഷികളുടെയും മൃഗങ്ങളുടേയുമൊക്കെ രസകരവും കൗതുകം നിറഞ്ഞതുമായ വീഡിയോകൾക്കും ചിത്രങ്ങൾക്കും സമൂഹമാധ്യമങ്ങളിൽ നിറഞ്ഞ സ്വീകാര്യതയാണ് ലഭിക്കുന്നത്. കുട്ടിക്കൊമ്പന്മാരോട് മല്ലടിക്കുന്ന ഒരു ഗ്രേ ക്രൗൺഡ് ക്രെയ്ൻ എന്ന വിഭാഗത്തിൽപ്പെടുന്ന പക്ഷിയാണ് സമൂഹമാധ്യമങ്ങളിൽ കൗതുകം നിറയ്ക്കുന്നത്.
സൗത്ത് ആഫ്രിക്കയിൽ നിന്നുള്ളതാണ് ഈ രസകരമായ ചിത്രങ്ങൾ. പൊതുവെ അക്രമാസക്തരാണ് ഗ്രേ ക്രൗൺഡ് ക്രെയ്ൻ വിഭാഗത്തിൽപ്പെടുന്ന പക്ഷികൾ. തങ്ങളുടെ വാസസ്ഥലത്തേക്ക് മറ്റ് മൃഗങ്ങളെ വരാൻ ഇവ അനുവദിക്കാറില്ല.
Read also: ‘ദൃശ്യം 2’ വരുന്നു- പിറന്നാൾ സർപ്രൈസ് പങ്കുവെച്ച് മോഹൻലാൽ
ഇപ്പോഴിതാ തങ്ങളുടെ വാസസ്ഥലത്തെത്തിയ ഒരു കൂട്ടം ആനകളെ തുരത്തിയോടിക്കാൻ ശ്രമിക്കുകയാണ് ഈ പക്ഷി. ഗ്രേ ക്രൗൺഡ് ക്രെയ്ൻ മുട്ടയിട്ട് അടയിരിക്കുന്ന മേഖലയിലേക്കാണ് കാട്ടാനക്കൂട്ടം ഭക്ഷണം തേടിയെത്തിയത്. അതിനാൽ കാട്ടാനക്കൂട്ടത്തിന് ചുറ്റും ചിറകുവിരിച്ച് നിൽക്കുകയാണ് ഈ പക്ഷി.
അതേസമയം ആന കാഴ്ചകൾക്ക് സമൂഹമാധ്യമങ്ങളിൽ നിറഞ്ഞ കൈയടിയാണ് ലഭിക്കാറുള്ളത്. പക്ഷിക്കൂട്ടങ്ങള്‍ക്കൊപ്പം ഉല്ലസിച്ച് കളിക്കുന്ന ആനക്കുട്ടിയുടെ വീഡിയോയും അടുത്തിടെ സമൂഹമാധ്യമങ്ങളിൽ ശ്രദ്ധ നേടിയിരുന്നു. പക്ഷികളെ ഓടിക്കാന്‍ നോക്കുന്നതും അവയ്ക്ക് പിന്നാലെ കുട്ടിയാന ഓടുന്നതുമൊക്കെ വീഡിയോയില്‍ കാണാം.
Story Highlights: bird chases elephants viral video
