കൊവിഡ് പ്രതിരോധ പ്രവര്‍ത്തനങ്ങള്‍ക്ക് തമിഴ്‌നാടിനും സഹായഹസ്തവുമായി മോഹന്‍ലാല്‍
മാസങ്ങളായി കൊറോണ വൈറസിനെതിരെ പോരാടുകയാണ് ലോകം. രാജ്യത്തും പ്രതിരോധപ്രവര്‍ത്തനങ്ങള്‍ ശക്തം. എങ്കിലും പൂര്‍ണ്ണമായും നിയന്ത്രണവിധേയമായിട്ടില്ല കൊറോണ വൈറസ്. നിരവധിപ്പേര്‍ കൊവിഡ് പ്രതിരോധപ്രവര്‍ത്തനങ്ങള്‍ക്കായി സഹായം നല്‍കുന്നുണ്ട്. അയല്‍സംസ്ഥാനമായ തമിഴ്‌നാടിന് സഹായമെത്തിച്ചിരിക്കുകയാണ് മലയാളികളുടെ പ്രിയതാരം മോഹന്‍ലാല്‍.
താരത്തിന്റെ നേതൃത്വത്തിലുള്ള വിശ്വാശാന്തി ഫൗണ്ടേഷനാണ് തമിഴ്‌നാടിന് സഹായമെത്തിച്ചത്. ആയിരം പിപിഇ കിറ്റുകളും രണ്ടായിരും എന്‍-95 മാസ്‌കുകളും കഴിഞ്ഞ ദിവസം വിശ്വാശാന്തി ഫൗണ്ടേഷന്‍ തമിഴ്‌നാടിന് സംഭാവന ചെയ്തു.
Read more: വിളിക്കാതെ എത്തിയ വിരുന്നുകാരൻ; ജനാലയിൽ തട്ടിവിളിച്ച് മയിൽ; വൈറൽ വീഡിയോ
രാജ്യത്ത് കൊവിഡ് രോഗികളുടെ എണ്ണം വര്‍ധിച്ചുവരുന്ന സംസ്ഥാനങ്ങളില്‍ ഒന്നാണ് തമിഴ്‌നാട്. 8002 പേര്‍ക്ക് രോഗം സ്ഥിരീകരച്ചിട്ടുണ്ട് തമിഴ്‌നാട്ടില്‍. 2051 പേര്‍ രോഗത്തില്‍ നിന്നും മുക്താരായെങ്കിലും 5898 പേര്‍ നിലവില്‍ ചികിത്സയിലാണ്. അമ്പതിലധികം മരണങ്ങളും തമിഴ്‌നാട്ടില്‍ റിപ്പോര്‍ട്ട് ചെയ്തിട്ടുണ്ട്.
Story Highlights: Mohanlal help Tamil Nadu Covid resistance
