നീറ്റ്, ജെഇഇ പരീക്ഷകളുടെ പുതുക്കിയ തിയതികള്‍ പ്രഖ്യാപിച്ചു
May 5, 2020
കൊവിഡ്-19 പശ്ചാത്തലത്തിൽ ലോക്ക്ഡൗൺ പ്രഖ്യാപിച്ചതിനാൽ മാറ്റിവെച്ച നീറ്റ്, ജെഇഇ മെയിന്‍ പരീക്ഷകളുടെ പുതുക്കിയ തിയതികള്‍ പ്രഖ്യാപിച്ചു. പുതുക്കിയ തിയതി പ്രകാരം ജൂലൈ 26-നായിരിക്കും നീറ്റ് പരീക്ഷ. ജെഇഇ മെയിന്‍ പരീക്ഷ ജൂലൈ 18 മുതല്‍ 23വരെ ആണ് നടക്കുക. കേന്ദ്ര മാനവശേഷി വികസന മന്ത്രി രമേഷ് പൊഖ്രിയാലാണ് ഇതു സംബന്ധിച്ച്‌ പ്രഖ്യാപനം നടത്തിയത്.
അതേസമയം പരീക്ഷയ്ക്കായി രജിസ്റ്റര്‍ ചെയ്ത വിദ്യാർത്ഥികളുടെ അഡ്മിറ്റ് കാര്‍ഡുകളും ഉടന്‍ പ്രസിദ്ധീകരിക്കും. nta.nic.in എന്ന വെബ്സൈറ്റ് വഴി വിദ്യാർത്ഥികള്‍ക്ക് അഡ്മിറ്റ് കാര്‍ഡ് ഡൗണ്‍ലോഡ് ചെയ്യാമെന്നും മന്ത്രി അറിയിച്ചു.
Story Highlights: neet jee exam date announced
