24 മണിക്കൂറിനിടെ രാജ്യത്ത് കൊവിഡ് സ്ഥിരീകരിച്ചത് 14821 പേര്‍ക്ക്; 445 മരണവും
മാസങ്ങളായി കൊവിഡ് 19 എന്ന മഹാമാരിക്കെതിരായ പോരാട്ടത്തിലാണ് നമ്മുടെ രാജ്യം. പ്രതിരോധ പ്രവര്‍ത്തനങ്ങള്‍ ശക്തമായ രീതിയില്‍ പുരോഗമിക്കുമ്പോഴും രാജ്യത്ത് നിയന്ത്രണ വിധേയമായിട്ടില്ല കൊറോണ വൈറസ് വ്യാപനം. കഴിഞ്ഞ 24 മണിക്കൂറിനിടെ 14821 പേര്‍ക്കാണ് രാജ്യത്ത് പുതുതായി കൊവിഡ് സ്ഥിരീകരിച്ചത്.
രാജ്യത്ത് ഇതുവരെ കൊവിഡ് സ്ഥിരീകരിച്ചവരുടെ എണ്ണം 4,25,282 ആയി ഉയര്‍ന്നു. കഴിഞ്ഞ 24 മണിക്കുറിനിടെ 445 മരണങ്ങളും റിപ്പോര്‍ട്ട് ചെയ്തു. ഇതോടെ ആകെ മരണ നിരക്ക് 13699 ആയി ഉയര്‍ന്നു. നിലവില്‍ 174387 പേരാണ് രാജ്യത്തെ വിവിധ ആശുപത്രികളില്‍ ചികിത്സയില്‍ കഴിയുന്നത്. 237196 പേര്‍ രോഗത്തില്‍ നിന്നും മുക്തരായി.
അതേസമയം മഹാരാഷ്ട്രിയിലാണ് കൊവിഡ് ഏറ്റവും കൂടുതല്‍ പ്രതിസന്ധി സൃഷ്ടിച്ചിരിക്കുന്നത്. മഹാരാഷ്ട്രയില്‍ മാത്രം ആറായിരത്തില്‍ അധികം പേരാണ് കൊവിഡ് മൂലം മരണപ്പെട്ടത്. ഇതുവരെ സംസ്ഥാനത്ത് 6170 പേര്‍ കൊറോണ വൈറസ് രോഗബാധ മൂലം മരണപ്പെട്ടു. 132074 പേര്‍ക്കാണ് മഹാരാഷ്ട്രയില്‍ രോഗം സ്ഥിരീകരിച്ചിരിക്കുന്നത്.
Story highlights: India covid 19 Corona Virus Latest Updates
