സംസ്ഥാനത്ത് 152 പേര്‍ക്കുകൂടി കൊവിഡ് സ്ഥിരീകരിച്ചു; 81 പേര്‍ക്ക് രോഗമുക്തി
സംസ്ഥാനത്ത് 152 പേര്‍ക്കുകൂടി കൊവിഡ് രോഗം സ്ഥിരീകരിച്ചു. ഇന്ന് രോഗ സ്ഥിരീകരിച്ചവരില്‍ 98 പേര് വിദേശത്ത് നിന്ന് എത്തിയവരാണ്. 46 പേര് മറ്റ് സംസ്ഥാനങ്ങളില്‍ നിന്നും എത്തിയവരും. സമ്പര്‍ക്കം മൂലം എട്ട് പേര്‍ക്കും രോഗം സ്ഥിരീകരിച്ചു.
തുടര്‍ച്ചയായി ആറാം ദിവസമാണ് സംസ്ഥാനത്ത് നൂറിലധികം ആളുകള്‍ക്ക് രോഗം സ്ഥിരീകരിക്കുന്നത്. പത്തനംതിട്ട 25 പേര്‍ക്കും കൊല്ലത്ത് 18 പേര്‍ക്കും കണ്ണൂരില്‍ 17 പേര്‍ക്കും ഇന്ന് രോഗം സ്ഥിരീകരിച്ചു. കൂടാതെ പാലക്കാട് 16, തൃശ്ശൂര്‍ 15, ആലപ്പുഴ 15, മലപ്പുറം 10, എറണാകുളം 8, കോട്ടയം 7, ഇടുക്കി 6, കാസര്‍ഗോഡ് 6, തിരുവനന്തപുരം 4, കോഴിക്കോട് 3, വയനാട് 2 എന്നിങ്ങനെയാണ് ഇന്ന് രോഗം സ്ഥിരീകരിച്ച മറ്റു ജില്ലകളിലെ കണക്ക്.
1691 പേരാണ് നിലവില്‍ വിവിധ ആശുപത്രികളില്‍ ചികിത്സയില്‍ കഴിയുന്നത്. 154759 പേര് സംസ്ഥാനത്ത് നിരീക്ഷണത്തിലുണ്ട്.81 പേര് രോഗത്തില്‍ നിന്നും മുക്തരായി.
Story highlights: Latest covid 19 Corona Virus updates in Kerala
