ചലച്ചിത്രതാരങ്ങളുടെ ഭാവത്തിലും ലുക്കിലും അതിശയിപ്പിച്ച് അഞ്ചു വയസ്സുകാരി
വെള്ളിത്തിരയില്‍ അഭിനയ വിസ്മയമൊരുക്കുന്ന ചലച്ചിത്ര താരങ്ങളുടെ ലുക്കും ഭാവങ്ങളുമൊക്കെ അനുകരിക്കാറുണ്ട് പലരും. ഡ്രസ്സിലും മേക്കപ്പിലും ഭാവത്തിലുമൊക്കെ നിരവധി ചലച്ചിത്രതാരങ്ങളെ അനുകരിക്കുന്ന അഞ്ചു വയസ്സുകാരി ശ്രദ്ധ നേടുകയാണ് സൈബര്‍ ഇടങ്ങളില്‍. ലേഎല്‍ എന്നാണ് ഈ മിടുക്കിയുടെ പേര്.
മഞ്ജു വാര്യര്‍, അഹാന കൃഷ്ണകുമാര്‍, ഐശ്വര്യ ലക്ഷ്മി, പാര്‍വതി തിരുവോത്ത്, നിഖില വിമല്‍ തുടങ്ങി നിരവധി താരങ്ങളുടെ ലുക്കും ഭാവവും ഡ്രസ്സിങ്ങു സ്റ്റൈലുമൊക്കെ ഈ മിടുക്കി അനുകരിച്ചിട്ടുണ്ട്. ലേഎല്‍ എന്ന മിടുക്കിയുടെ ഫോട്ടോകള്‍ക്ക് സമൂഹമാധ്യമങ്ങളില്‍ മികച്ച സ്വീകാര്യതയാണ് ലഭിക്കുന്നതും.
Read more: തേങ്ങ മുതല്‍ ചെരുപ്പ് വരെ; ഈ ‘കേക്കുകള്‍’ നിങ്ങളെ അതിശയിപ്പിക്കാതിരിക്കില്ല: വീഡിയോ
കോഴിക്കോട് കുന്ദമംഗലം സ്വദേശികളായ അസ്മലിന്റേയും നെസ്ലയുടേയും മകളാണ് ലേഎല്‍. കുട്ടിക്കാലും മുതല്‍ക്കേ മോഡലിങ്ങിനോട് താല്‍പര്യം പ്രകടിപ്പിക്കാറുമുണ്ട് ഈ മിടുക്കി. ലോക്ക് ഡൗണ്‍ കാലത്ത് ലേഎല്‍ കൂടുതല്‍ ശ്രദ്ധ കേന്ദ്രീകരിക്കുന്നതും മോഡലിങ് പരീക്ഷണങ്ങളില്‍ത്തന്നെയാണ്.
Story highlights: Five year old Lael recreating celebrity photos
