കരനെല്ലില്‍ ടൊവിനോയെ വിരിയിച്ച് ഡാവിഞ്ചി സുരേഷ്: അതിശയിപ്പിക്കുന്ന കലാസൃഷ്ടിക്ക് കൈയടി
അതിശയിപ്പിക്കുന്ന കലാമികവുകൊണ്ട് ശ്രദ്ധേയനാണ് ഡാവിഞ്ചി സുരേഷ് എന്ന കലാകാരന്. അദ്ദേഹത്തിന്റെ അത്ഭുതപ്പെടുത്തുന്ന സൃഷ്ടികളില്‍ പലതും സൈബര്‍ ഇടങ്ങളിലും ശ്രദ്ധ നേടാറുണ്ട്. കരനെല്ലില്‍ ടൊവിനോയെ സൃഷ്ടിച്ച് വീണ്ടും കൈയടി നേടുകയാണ് ഈ കലാകാരന്.
കഴിമ്പ്രം ബീച്ചിനടുത്ത് പതിമൂന്നാം വാര്‍ഡില്‍ കാര്‍ഷിക കൂട്ടായ്മ നടത്തുന്ന കൃഷി സ്ഥലത്താണ് ഈ സൃഷ്ടി. കരനെല്ലില്‍ വിരിയിച്ച ഈ ചിത്രരചനയുടെ വീഡിയോയും ഇതിനോടകംതന്നെ ശ്രദ്ധ നേടിക്കഴിഞ്ഞു. അതിശയിപ്പിക്കുന്നതാണ് ചിത്രത്തിന്റെ നിര്‍മാണ വീഡിയോ.
Read more: നാദസ്വരത്തിൽ ‘പ്രാണസഖി’ വായിച്ച് ശ്രീരേഷ്; അസാധ്യ പ്രകടനത്തിന് നിറഞ്ഞ് കൈയടിച്ച് സോഷ്യൽ മീഡിയ
ഒറ്റദിവസംകൊണ്ടാണ് മലയാളികളുടെ പ്രിയതാരം ടൊവിനോ തോമസിന്റെ ചിത്രം കരനെല്ലില്‍ ഡാവിഞ്ചി സുരേഷ് ഒരുക്കിയത്. കലാകാരന് നന്ദി അറിയിച്ചുകൊണ്ട് ടൊവിനോ ഈ ചിത്രവും വീഡിയോയും സമൂഹമാധ്യമങ്ങളില്‍ പങ്കുവെച്ചിരുന്നു. വ്യത്യസ്ത മീഡിയങ്ങളില്‍ ചിത്രങ്ങളും ശില്‍പങ്ങളുമൊരുക്കുന്ന ഡാവിഞ്ചി സുരേഷിന്റെ സൃഷ്ടികളെല്ലാം പ്രശംസനീയമാണ്.
Story highlights: Davinchi suresh Grass Art Tovino Thomas
