ഈ കുട്ടിത്താരങ്ങളെ മനസ്സിലായോ; വൈറലായി സൂപ്പർ സ്റ്റാറുകളുടെ പഴയകാല ചിത്രം
പലപ്പോഴും സിനിമ താരങ്ങളുടെ കുട്ടിക്കാല ചിത്രങ്ങൾക്ക് വൻ സ്വീകാര്യതയാണ് സമൂഹ മാധ്യമങ്ങളിൽ നിന്നും ലഭിക്കുന്നത്. രസകരമായ കമന്റുകളോടെ പലപ്പോഴും പങ്കുവയ്ക്കപ്പെടാറുള്ള സൂപ്പർ സ്റ്റാറുകളുടെ കുട്ടിക്കാല ചിത്രങ്ങൾ ചിലപ്പോൾ തിരിച്ചറിയാൻ പോലും കഴിയാറില്ല. അത്തരത്തിൽ രണ്ട് സൂപ്പർ സ്റ്റാറുകളുടെ കുട്ടിക്കാല ചിത്രങ്ങളാണ് ഇപ്പോൾ സോഷ്യൽ ലോകത്ത് ശ്രദ്ധ നേടുന്നത്.
തമിഴകത്ത് ഏറ്റവുമധികം ആരാധകരുള്ള താരങ്ങളായ വിജയ്‌യുടെയും സൂര്യയുടെയും കുട്ടിക്കാല ചിത്രങ്ങളാണ് ഇപ്പോൾ ശ്രദ്ധിക്കപ്പെട്ടിരിക്കുന്നത്. ഇരുവരും ചെറുപ്പം മുതലേ സുഹൃത്തുക്കൾ ആണെന്ന് പറയുന്ന ചിത്രമാണ് ഇത്. മുതിർന്ന തമിഴ് ചലച്ചിത്ര താരവും സൂര്യയുടെ പിതാവുമായ ശിവകുമാറിന്റെ ഇടത്തും വലതുമായി സൂര്യയും വിജയ്‍യും നിൽക്കുന്ന ചിത്രമാണ് ഇപ്പോൾ സമൂഹ മാധ്യമങ്ങളിൽ വൈറലായത്. സൂര്യയേക്കാൾ ഒരു വയസിന് മൂത്ത ആളാണ് വിജയ്. ഇരുവരും കോളജ് കാലത്തും ഒരുമിച്ചായിരുന്നു.
അതേസമയം തമിഴത്തെ സൂപ്പർ സ്റ്റാറുകളായ ഇരുവരും രണ്ട് ചിത്രങ്ങളിൽ ഒന്നിച്ച് അഭിനയിച്ചിട്ടുണ്ട്. നേർക്ക് നേർ, ഫ്രണ്ട്സ് എന്നിവയാണ് ഈ സൂപ്പർ താരങ്ങൾ ഒന്നിച്ച ചിത്രം. അതേസമയം സൂര്യയുടേതായി റിലീസിനൊരുങ്ങുന്ന ചിത്രമാണ് ‘സുരരൈ പോട്രു’. ചിത്രം ഒക്ടോബര്‍ 30 ന് ആമസോണ്‍ പ്രൈം വഴി ചിത്രം പ്രേക്ഷകരിലേക്കെത്തും. സുധ കൊങ്കരയാണ് ചിത്രത്തിന്റെ സംവിധാനം നിര്‍വഹിക്കുന്നത്. സൂര്യയുടെ 2 ഡി എന്റര്‍ടെയ്ന്‍മെന്റ്, സിഖിയ എന്റര്‍ടെയ്ന്‍മെന്റ് എന്നീ സ്ഥാപനങ്ങള്‍ ചേര്‍ന്നാണ് നിര്‍മാണം നിര്‍വഹിക്കുന്നത്. ബിഗ് ബജറ്റിലാണ് ചിത്രം ഒരുക്കിയിരിക്കുന്നതും.
അണിയറയിൽ ഒരുക്കങ്ങൾ പൂർത്തിയായ വിജയ് ചിത്രമാണ് മാസ്റ്റർ. ‘കൈതി’ക്ക് ശേഷം ലോകേഷ് കനകരാജ് ഒരുക്കുന്ന ചിത്രമാണ് ‘മാസ്റ്റർ’. വിജയ് പ്രധാന കഥാപാത്രത്തെ അവതരിപ്പിക്കുന്ന ചിത്രത്തിൽ വിജയ് സേതുപതിയും മുഖ്യകഥാപാത്രമായി എത്തുന്നുണ്ട്.
Story Highlights: Old Photos Of Film Stars
