വാഴപ്പഴം ക്യാൻവാസാക്കി അന്ന; മനോഹരം ഈ ചിത്രങ്ങൾ
ലോക്ക് ഡൗൺ കാലം നിരവധി കലാകാരന്മാരാണ് തങ്ങളുടെ സർഗ്ഗവാസനകൾ പൊടിതട്ടിയെടുത്തത്. കലയിൽ അല്പം വ്യത്യസ്തതകൂടി ചേർത്തവരെ സോഷ്യൽ മീഡിയയും താരങ്ങളാക്കി. അക്കൂട്ടത്തിൽ ഒരാളാണ് അന്ന ചോജ്നിക്ക. അന്നയുടെ ചിത്രങ്ങൾക്ക് ഇപ്പോൾ കാഴ്ചക്കാർ നിരവധിയാണ്. വാഴപ്പഴത്തിലാണ് അന്ന മനോഹരമായ ചിത്രങ്ങൾ ഒരുക്കിയത്.
ഒരു സാധാരണ വാഴപ്പഴത്തിന്റെ തൊലിയിൽ അന്ന ഒരുക്കിയത് പ്രകൃതിയുടെ മനോഹാരിതയും വ്യത്യസ്തതയും നിറഞ്ഞ ചിത്രങ്ങളാണ്. ആദ്യമൊക്കെ ലോക്ക് ഡൗൺ കാലത്തെ വിരസത മാറ്റാൻ വേണ്ടിയാണ് അന്ന ചിത്രങ്ങൾ ഒരുക്കിയതെങ്കിൽ പിന്നീട് അത് അന്നയുടെ ഇഷ്ടഹോബിയായി മാറുകയായിരുന്നു.
Read also:സഫലമാകാതെ പോയ കഥാപാത്രങ്ങളുടെ ഓര്‍മ്മകളില്‍ മാധവന്‍; ചിത്രങ്ങള്‍
സമൂഹമാധ്യമങ്ങളിൽ ഈ ചിത്രങ്ങൾ പങ്കുവെച്ചതോടെ നിരവധിപ്പേരാണ് അന്നയ്ക്ക് അഭിന്ദനവുമായി എത്തിയത്. വാഴപ്പഴത്തിൽ നേർത്തതും മൂർച്ചയുള്ളതുമായ വസ്തുക്കൾ ഉപയോഗിച്ചാണ് അന്ന ചിത്രങ്ങൾ ഒരുക്കിയത്. ചീർപ്പിന്റെ അറ്റം, പിന്നുകൾ എന്നിവയാണ് ഇതിനായി ഉപയോഗിച്ചത്. ഇതിൽ ഓക്സിഡേഷൻ കൂടി ചെയ്യാൻ തുടങ്ങിയതോടെ പഴത്തിന്റെ തൊലി ഇരുണ്ടതായി മാറുമ്പോൾ അതിൽ അന്ന ഒരുക്കിയ ചിത്രങ്ങൾ തെളിഞ്ഞുവരും.
Story HIghlights : banana art of anna goes viral
