ടി നടരാജനെ ചേര്‍ത്തുനിര്‍ത്തി ഹാര്‍ദിക് പാണ്ഡ്യ; ഹൃദ്യം ഈ വാക്കുകളും
ഓസ്‌ട്രേലിയയ്‌ക്കെതിരെ ഏകദിന പരമ്പര നഷ്ടമായെങ്കിലും ടി20 പരമ്പര സ്വന്തമാക്കിയതിന്റെ സന്തോഷത്തിലാണ് ഇന്ത്യന്‍ ടീം. പരമ്പരയിലെ തകര്‍പ്പന്‍ പ്രകടനത്തിനുള്ള മാന്‍ ഓഫ് ദ് സീരീസ് പുരസ്‌കാരം ലഭിച്ചത് ഹാര്‍ദിക് പാണ്ഡ്യയ്ക്കാണ്. എന്നാല്‍ ഈ നേട്ടം അര്‍ഹിക്കുന്നത് നടരാജനാണ് എന്ന് കുറിച്ചുകൊണ്ട് പുരസ്‌കാരം നടരാജന് സമര്‍പ്പിച്ചു ഹാര്‍ദിക് പാണ്ഡ്യ.
ടി20 സീരീസില്‍ അരങ്ങേറ്റംകുറിച്ച ടി നടരാജന് പരമ്പരയില്‍ തകര്‍പ്പന്‍ പ്രകടനമാണ് കാഴ്ചവെച്ചതും. ആറ് വിക്കറ്റുകളെടുത്തു പരമ്പരയില്‍ നടരാജന്. നടരാജനെ ചേര്‍ത്തുനിര്‍ത്തി ഹാര്‍ദിക് പാണ്ഡ്യ തനിക്ക് ലഭിച്ച മാന്‍ ഓഫ് ദ് സീരീസ് അംഗീകാരം സമര്‍പ്പിച്ചപ്പോള്‍ ആരാധകരും പ്രശംസിച്ചു. മത്സരത്തിലുടനീളം തകര്‍പ്പന്‍ പ്രകടനമാണ് ഹര്‍ദിക് പാണ്ഡ്യ കാഴ്ചവെച്ചതും.
Read more: ഇനി പൃഥ്വിരാജിന്റെ കുരുതി; ചിത്രീകരണം ഇന്നുമുതല്‍
ആദ്യ രണ്ട് ടി20 മത്സരങ്ങളിലും വിജയിച്ച് ഇന്ത്യ പരമ്പര സ്വന്തമാക്കി. അവസാന മത്സരത്തില്‍ ഇന്ത്യയെ പരാജയപ്പെടുത്തി ഓസ്‌ട്രേലിയ ആശ്വാസജയവും നേടി. അതേസമയം ഇരു ടീമുകളും ടെസ്റ്റ് പരമ്പരയ്ക്കായുള്ള കാത്തിരിപ്പിലാണ്. ഡിസംബര്‍ 17 മുതല്‍ 21 വരെയാണ് ആദ്യ ടെസ്റ്റ്. രണ്ടാം ടെസ്റ്റ് ഡിസംബര്‍ 26 മുതല്‍ 30 വരേയും. ജനുവരി 7 മുതല്‍ 11 വരെ മൂന്നാം ടെസ്റ്റും ജനുവരി 15 മുതല്‍ 19 വരെ നാലാം ടെസ്റ്റും അരങ്ങേറും.
Natarajan, you were outstanding this series. To perform brilliantly in difficult conditions on your India debut speaks volumes of your talent and hardwork 👏 You deserve Man of the Series from my side bhai! Congratulations to #TeamIndia on the win 🇮🇳🏆 pic.twitter.com/gguk4WIlQD
— hardik pandya (@hardikpandya7) December 8, 2020
Story highlights: Hardik Pandya gives away his Man of the Series trophy to T Natarajan
