ശ്രദ്ധ നേടി മൃദുലയുടേയും യുവകൃഷ്ണയുടേയും വിവാഹനിശ്ചയ വീഡിയോ
അഭിനയ വിസ്മയങ്ങളൊരുക്കുന്ന താരങ്ങളുടെ കുടുംബ വിശേഷങ്ങളും പലപ്പോഴും ആരാധകര്‍ ഏറ്റെടുക്കാറുണ്ട്. ടെലിവിഷന്‍ സ്‌ക്രീനിലൂടെ പ്രേക്ഷകരുടെ പ്രിയതാരങ്ങളായി മാറിയ മൃദുല വിജയ്-യും യുവകൃഷ്ണയും വിവാഹിതരാകുന്നു എന്ന വിശേഷവും ആരാധകര്‍ ഏറ്റെടുത്തു.
ഇപ്പോഴിതാ ശ്രദ്ധ നേടുകയാണ് താരങ്ങളുടെ വിവാഹനിശ്ചയ വീഡിയോ. തിരുവനന്തപുരത്ത് വെച്ചായിരുന്നു വിവാഹ നിശ്ചയ ചടങ്ങുകള്‍ നടന്നത്. കൊവിഡ് മാനദണ്ഡങ്ങള്‍ പാലിച്ചുകൊണ്ട് അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങില്‍ പങ്കെടുത്തത്.
Read more: 2020-ല്‍ മലയാളികളുടെ ഹൃദയതാളങ്ങള്‍ കീഴടക്കിയ പാട്ടുകള്‍
തിരുവനന്തപുരം സ്വദേശിനിയാണ് മൃദുല വിജയ്. 2015-മുതല്‍ ടെലിവിഷന്‍ സീരിയല്‍ രംഗത്ത് സജീവമാണ് താരം. സംഗീത നൃത്ത അധ്യാപികയായ കൃഷ്ണവേണിയുടെ മകനാണ് യുവ കൃഷ്ണ. അഭിനയമികവുകൊണ്ട് ഇരു താരങ്ങളും ശ്രദ്ധേയരാണ്.
Story highlights: Mridula Vijay and Yuva Krishna Engagement video
