കിടിലന്‍ ലുക്കില്‍ തകര്‍പ്പന്‍ പാട്ടുമായി രമ്യ നമ്പീശന്‍; വീണയില്‍ വിസ്മയംതീര്‍ത്ത് രാജേഷ് വൈദ്യയും- മനോഹരം ഈ സംഗീതാവിഷ്‌കാരം
നിരവധി കഥാപാത്രങ്ങള്‍ക്ക് ജീവന്‍ പകര്‍ന്ന് വെള്ളിത്തിരയില്‍ കൈയടി നേടിയ താരമാണ് രമ്യ നമ്പീശന്‍. അഭിനയത്തിനൊപ്പം തന്നെ പാട്ടിലും താരം ശ്രദ്ധ നേടാറുണ്ട്. രമ്യ നമ്പീശനും പ്രശസ്ത വീണാ വാദകന്‍ രാജേഷ് വൈദ്യയും ചേര്‍ന്നൊരുക്കിയ മനോഹരമായൊരു പാട്ടു വിസ്മയമാണ് സംഗീതാസ്വാദകര്‍ക്കിടയില്‍ ശ്രദ്ധ ആകര്‍ഷിയ്ക്കുന്നത്.
ഇരുവരും ചേര്‍ന്നൊരുക്കിയ കാതലിക്കും പെണ്ണിന്‍ കൈകള്‍ എന്ന ഗാനം ദൃശ്യഭംഗിയിലും ഏറെ മികച്ചു നില്‍ക്കുന്നു. രാജേഷ് വൈദ്യ വീണയില്‍ വിസ്മയങ്ങള്‍ തീര്‍ക്കുമ്പോള്‍ ആലാപനത്തില്‍ അതിശയിപ്പിയ്ക്കുകയാണ് രമ്യ നമ്പീശന്‍. മികച്ച പ്രേക്ഷക സ്വീകാര്യതയാണ് ഈ സംഗീതാവിഷ്‌കാരത്തിന് ലഭിയ്ക്കുന്നതും.
Read more: ‘വെശന്നിട്ടാ മൊതലാളീ…’; രസകരമായ ലൊക്കേഷന്‍ വിഡിയോയുമായി ടൊവിനോ തോമസ്
അതേസമയം കാതലന്‍ എന്ന സിനിമയിലേതാണ് ഈ ഗാനം. സംഗീതമാന്ത്രികന്‍ എആര്‍ റഹ്‌മാനാണ് സിനിമയ്ക്ക് വേണ്ടി ഈ പാട്ടൊരുക്കിയത്. വൈരമുത്തുവിന്റേതാണ് വരികള്‍. എസ് പി ബാലസുബ്രഹ്‌മണ്യവും ഉദിത് നാരായണനും പല്ലവിയും ചേര്‍ന്നാണ് സിനിമയില്‍ ഈ ഗാനം ആലപിച്ചിരിയ്ക്കുന്നത്.
മിനിസ്‌ക്രീനിലെ അവതരണത്തിലൂടെ പ്രേക്ഷകര്‍ക്ക് പരിചിതയായ രമ്യ നമ്പീശന്‍ ശരത് സംവിധാനം നിര്‍വഹിച്ച ‘സായ്ഹാനം’ എന്ന ചിത്രത്തിലൂടെയാണ് ചലച്ചിത്ര രംഗത്ത് അരങ്ങേറ്റം കുറിക്കുന്നത്. അഭിനയത്തിനു പുറമെ ചലച്ചിത്ര പിന്നണി ഗാനരംഗത്തും താരം ശ്രദ്ധേയമാണ്. പെരുമഴക്കാലം, ഗ്രാമഫോണ്‍, ചോക്ലേറ്റ്, ശലഭം, ചാപ്പാ കുരിശ്, ബാച്ച്ലര്‍ പാര്‍ട്ടി, അയാളും ഞാനും തമ്മില്‍, വൈറസ് തുടങ്ങി നിരവധി ചിത്രങ്ങളില്‍ രമ്യ നമ്പീശന്‍ വിത്യസ്ത കഥാപാത്രങ്ങളെ അവതരിപ്പിച്ചുകൊണ്ട് ശ്രദ്ധ നേടി.
Story highlights: Kathalikkum Pennin Kaigal by RajheshVaidhya and Ramya Nambessan
