ഈസ്റ്റർ ദിനത്തിൽ പുതിയ ചിത്രം പ്രഖ്യാപിച്ച് നിവിൻ പോളി; ‘താരം’ വരുന്നു
ഈസ്റ്റർ ദിനത്തിൽ പുതിയ ചിത്രം പ്രഖ്യാപിച്ച് നിവിൻ പോളി. താരം എന്ന ചിത്രത്തിലാണ് അടുത്തതായി നിവിൻ നായകനായി എത്തുന്നത്. കിളി പോയി, കോഹിനൂർ തുടങ്ങിയ ചിത്രങ്ങൾ സംവിധാനം ചെയ്ത വിനയ് ഗോവിന്ദാണ് താരത്തിന്റെ സംവിധായകൻ. വിവേക് രഞ്ജിത് തിരക്കഥ ഒരുക്കിയിരിക്കുന്ന ചിത്രത്തിന്റെ ഛായാഗ്രഹണം നിർവഹിക്കുന്നത് പ്രദീഷ് എം വർമയും സംഗീത സംവിധാനം രാഹുൽ രാജുമാണ്. ചിത്രത്തിന്റെ അന്നൗൺസ്‌മെന്റ് പോസ്റ്റർ നിവിൻ പോളി പങ്കുവെച്ചു.
അതേസമയം, മേയ് പതിമൂന്നിന് റിലീസിന് ഒരുങ്ങുകയാണ് നിവിൻ പോളി നായകനാകുന്ന തുറമുഖം. ‘കമ്മട്ടിപ്പാടം’ എന്ന ചിത്രത്തിനു ശേഷം രാജീവ് രവി സംവിധാനം ചെയ്യുന്ന ചിത്രമാണ് ‘തുറമുഖം’. കൊച്ചിയിലെ തുറമുഖത്തെ തൊഴിലാളികളുടെ കഥയാണ് ചിത്രത്തിന്റെ മുഖ്യ പ്രമേയം.
Read More: ജയലളിതയുടെ സിനിമാജീവിതം ഓർമിപ്പിച്ച് ‘തലൈവി’യിലെ ആദ്യ ഗാനം- അമ്പരപ്പിക്കുന്ന സാദൃശ്യവുമായി കങ്കണ
നിരവധി താരങ്ങളെ അണിനിരത്തിയാണ് ‘തുറമുഖം’ ഒരുക്കുന്നത്. നിവിന്‍ പോളിക്ക് പുറമെ നിമിഷ സജയന്‍, ബിജു മേനോന്‍, പൂര്‍ണിമ ഇന്ദ്രജിത്ത്, അര്‍ജുന്‍ അശോകന്‍, ഇന്ദ്രജിത്ത്, മണികണ്ഠന്‍ ആചാരി തുടങ്ങിയവരും ചിത്രത്തില്‍ അണിനിരക്കുന്നു. 1950 കാലഘട്ടങ്ങളിലെ കഥയാണ് ചിത്രം പറയുന്നതെന്നും ചില റിപ്പോര്‍ട്ടുകള്‍ പുറത്തുവരുന്നുണ്ട്.
Story highlights- nivin pauly announced his new movie thaaram
