കുക്കിങ് വിഡിയോയുമായി ചലച്ചിത്രതാരം മുക്തയുടെ മകള്‍ കണ്‍മണി; ഹെല്‍ത്തി സാലഡ് രുചിക്കൂട്ട് ഇങ്ങനെ
ചലച്ചിത്ര താരങ്ങള്‍ക്കൊപ്പം തന്നെ പലപ്പോഴും അവരുടെ മക്കളും സൈബര്‍ ഇടങ്ങളില്‍ ശ്രദ്ധ നേടാറുണ്ട്. ചലച്ചിത്ര- സീരിയല്‍ താരം മുക്തയുടെ മകള്‍ കിയാര എന്ന കണ്‍മണിയ്ക്കും ആരാധകര്‍ ഏറെയാണ് സൈബര്‍ ഇടങ്ങളില്‍. അടുത്തിടെ ചെറിയ വര്‍ക്കൗട്ട് വിഡിയോയുമായി പ്രത്യക്ഷപ്പെട്ട കണ്‍മണി ഇത്തവണ എത്തിയിരിക്കുന്നത് കുക്കിങ് വിഡിയോയുമായാണ്.
നിഷ്‌കളങ്കത നിറഞ്ഞ ചിരിയോടെയുള്ള കണ്‍മണിയുടെ സംസാരരീതി ഏറെ രസകരമാണ്. ഒരു ഹെല്‍ത്തി വെജിറ്റബിള്‍ സാലഡ് തയാറാക്കുന്നത് എങ്ങനെയാണെന്ന് പരിചയപ്പെടുത്തുകയാണ് കുട്ടിത്താരം വിഡിയോയില്‍.
Read more: കൊവിഡ് ദുരിതാശ്വാസ നിധിയിലേക്ക് 25 ലക്ഷം രൂപ സംഭാവന നല്‍കി തല അജിത്
അതേസമയം മലയാളം- തമിഴ് ചലച്ചിത്ര താരമാണ് മുക്ത. ലാല്‍ ജോസ് സംവിധാനം നിര്‍വഹിച്ച അച്ഛനുറങ്ങാത്ത വീട് എന്ന ചിത്രത്തിലൂടെയായിരുന്നു താരത്തിന്റെ ചലച്ചിത്ര പ്രവേശനം. 2006-ലാണ് ഈ ചിത്രം പ്രേക്ഷകരിലേക്കെത്തിയത്. സീരിയല്‍ രംഗത്തും സജീവമാണ് താരം.
Story highlights: Actress Muktha share kanmani salad making video
