ഇട്ടിയവരയാകാനുള്ള ബിജു മേനോന്റെ തയ്യാറെടുപ്പുകൾ- ശ്രദ്ധനേടി ‘ആർക്കറിയാം’ മേക്കിംഗ് വിഡിയോ
ബിജു മേനോൻ, ഷറഫുദ്ധീൻ, പാർവതി തിരുവോത്ത് തുടങ്ങിയവർ വേഷമിട്ട് മികച്ച പ്രതികരണം നേടുന്ന ചിത്രമാണ് ആർക്കറിയാം. ലോക്ക്ഡൗൺ പശ്ചാത്തലത്തിൽ ഒരുങ്ങിയ ചിത്രം സാനു ജോൺ വർഗീസ് ആണ് സംവിധാനം ചെയ്തിരിക്കുന്നത്. സിനിമയുടെ മേക്കിംഗ് വിഡിയോ ശ്രദ്ധേയമാകുകയാണ്.
ആമസോൺ പ്രൈം ഉൾപ്പെടെ ആറു പ്ലാറ്റ്‌ഫോമുകളിലാണ് ചിത്രം പ്രദർശനത്തിനെത്തിയത്. ഇട്ടിയവര എന്ന 72കാരനായാണ് ബിജു മേനോൻ ചിത്രത്തിൽ വേഷമിട്ടിരിക്കുന്നത്. ബിജു മേനോന്റെ മകളുടെ വേഷത്തിലാണ് പാർവതി തിരുവോത്ത് എത്തിയത്. പാർവതി അവതരിപ്പിച്ച കഥാപത്രത്തിന്റെ ഭർത്താവായാണ് ഷറഫുദ്ധീൻ വേഷമിട്ടത്.
ചിത്രത്തിന് തിയേറ്ററിലും മികച്ച പ്രതികരണം ലഭിച്ചിരുന്നു. പ്രശസ്ത ഛായാഗ്രാഹകൻ സാനു ജോൺ വർഗീസ് സംവിധായകനാകുന്ന സിനിമ നിർമിക്കുന്നത് ഒപിഎം ഡ്രീം മില്‍സ് സിനിമാസിന്‍റെ ബാനറില്‍ ആഷിക് അബുവും മൂണ്‍ഷോട്ട് എന്‍റര്‍ടെയ്ന്‍‍മെന്‍റ്സിന്‍റെ ബാനറിൽ സന്തോഷ് ടി കുരുവിളയും ചേർന്നാണ്. സൈജു കുറുപ്പ്, ആര്യ സലിം തുടങ്ങിയവരും ചിത്രത്തിൽ മുഖ്യകഥാപാത്രങ്ങളെ അവതരിപ്പിക്കുന്നുണ്ട്.
Read More: മാമ്പഴപ്പാട്ടിനൊപ്പം ചിരിനിമിഷങ്ങളും സമ്മാനിച്ച് മിയക്കുട്ടി, വിഡിയോ
‘ടേക്ക് ഓഫ്’, ‘ആൻഡ്രോയിഡ് കുഞ്ഞപ്പൻ വേർഷൻ 5.25’, ‘മാലിക്’, ‘വിശ്വരൂപം’, ‘തൂങ്കാവനം’ തുടങ്ങി മലയാളത്തിലും തമിഴിലും തെലുങ്കിലും ഹിന്ദിയിലുമായി നിരവധി ചിത്രങ്ങളിൽ ഛായാഗ്രാഹകനായ വ്യക്തിയാണ് സാനു ജോൺ വർഗീസ്.
Story highlights- ARKKARIYAM MAKING VIDEO
