“പുഴയോരത്തില്‍ പൂത്തോണി എത്തീല്ല…”; മേശയില്‍ താളത്തില്‍ കൊട്ടി ജിയോ ബേബിയുടെ പാട്ട്
സംവിധാന മികവിലൂടെ ചലച്ചിത്രലോകത്ത് ശ്രദ്ധേയനാണ് ജിയോ ബേബി. ശ്രദ്ധ നേടുകയാണ് അദ്ദേഹം സമൂഹമാധ്യമങ്ങളില്‍ പങ്കുവെച്ച ഒരു വിഡിയോ. അടുത്തിടെ മരണം കവര്‍ന്നെടുത്ത തിരക്കഥാകൃത്തും സംവിധായകനുമായ ഡെന്നീസ് ജോസഫിന് പാട്ടിലൂടെ ആദരമൊരുക്കിയിരിക്കുകയാണ് ജിയോ ബേബി. മേശയില്‍ താളംപിടിച്ചുകൊണ്ടാണ് അദ്ദേഹം പാടുന്നത്.
മലയാളികള്‍ എക്കാലത്തും ഹൃദയത്തിലേറ്റുന്ന ‘പുഴയോരത്തില്‍ പൂത്തോണി എത്തീല്ല’ എന്ന ഗാനമാണ് മേശയില്‍ക്കൊട്ടി ജിയോ ബേബി ആലപിച്ചിരിക്കുന്നത്. ഡെന്നീസ് ജോസഫ് സംവിധാനം നിര്‍വഹിച്ച അഥര്‍വ്വം എന്ന ചിത്രത്തിലേതാണ് ഈ ഗാനം. ഒഎന്‍വി കുറുപ്പിന്റേതാണ് ഗാനത്തിലെ വരികള്‍. ഇളയരാജ സംഗീതം പകര്‍ന്നിരിക്കുന്നു. കെ എസ് ചിത്രയാണ് സിനിമയില്‍ ഈ ഗാനം ആലപിച്ചിരിക്കുന്നത്.
Read more: നായാട്ടിലെ കൈയടി നേടിയ അഭിനയ മുഹൂര്‍ത്തങ്ങള്‍; ആ നിര്‍ണായക രംഗം ചിത്രീകരിച്ചത് ഇങ്ങനെ
എന്തായാലും സമൂഹമാധ്യമങ്ങളില്‍ ഇതിനോടകംതന്നെ ശ്രദ്ധ നേടിക്കഴിഞ്ഞു സംവിധായകന്‍ ജിയോ ബേബിയുടെ കൊട്ടും പാട്ടും. അതേസമയം ദ് ഗ്രേറ്റ് ഇന്ത്യന്‍ കിച്ചന്‍ ആണ് ജിയോ ബേബിയുടെ സംവിധാനത്തില്‍ ഏറ്റവും ഒടുവിലായി പ്രേക്ഷകരിലേക്കെത്തിയ ചിത്രം. നിമിഷ സജയനും സുരാജ് വെഞ്ഞാറമൂടും കേന്ദ്ര കഥാപാത്രങ്ങളായെത്തിയ ചിത്രത്തിന് മികച്ച പ്രേക്ഷക സ്വീകാര്യതയാണ് ലഭിച്ചതും.
Story highlights: Song tribute to Dennis Joseph by director Jeo Baby
